تەڭىز وقيعاسىنان سوڭ: قازاقستانعا ەندى كەلمەيمىن

2930
Adyrna.kz Telegram

تەڭىز كەنىشىندەگى وقيعادا سوققىعا جىعىلعان شەتەلدىكتەردىڭ كەيبىرى قازاقستانعا ەندى كەلمەيتىندەرىن ايتادى. ولار 2 شىلدە كۇنى امان-ەسەن ەلدەرىنە جەتتى. بۇل تۋرالى ولار royanews.tv-گە بەرگەن سۇحباتىندا ايتقان.

يوردانيا سىرتقى ىستەر مينيسترلىگى ءباسپاسوز قىزمەتىنىڭ حابارلاۋىنشا، قازاقستاندا جۇمىس ىستەپ جاتقان 107 يوردانيالىقتىڭ 41-ءى ەلىنە ورالعان. مالىمەتتە ولاردىڭ كومپانيادا جۇمىستارىن جالعاستىرا بەرەتىنى ايتىلعان.

قازاقستاننان ورالعان 41 يوردانيا ازاماتىن ۇشاقتان تۇسكەن بويدا سىرتقى ىستەر ءمينيسترى ايمان سافادي كۇتىپ العان. سافادي يوردانياعا ورالۋ تۋرالى شەشىم قابىلداعان وتانداستارىنا حانزادا حۋسەين يبن ابداللا ءىى-ءنىڭ سالەمىن جەتكىزىپ، ونىڭ قازاقستاندا بولعان وقيعا كەزىندە يوردانيالىقتاردىڭ ومىرىنە ەشقانداي قاۋىپ تونبەۋىنە ۇلكەن كۇش بەرگەنىن ايتتى.

جالپى، ەلدەرىنە ورالعان يوردانيالىقتار وتە قۋانىشتى. العان جاراقاتتارىنىڭ اۋىر ەمەس ەكەنىن، قازىرگى تاڭدا جاعدايلارى جاقسى ەكەنىن ايتادى. يوردانيالىقتاردىڭ ءبىرى بولعان وقيعاعا ليۆاندىقتىڭ جەلىگە سالعان سۋرەتى سەبەپ بولعانىن راستادى. جانە «قازاقستانعا ەندى كەلمەيمىن» دەدى. ولاردىڭ ايتۋىنشا، شەتەل ازاماتتارىن كومپانيادا جۇمىس ىستەيتىندەر عانا ەمەس، وزگە دە قازاقستاندىقتار سوققىعا جىققان.

41 يوردانيالىقپەن قوسا 125 ليۆاندىق تا ەلىنە ورالدى. ليۆان باسشىلارى بولعان وقيعاعا ەڭ الدىمەن كومپانيا باسشىلارىن ايىپتايدى.

ەسكە سالساق، 29 ماۋسىم كۇنى اتىراۋ وبلىسىنداعى تەڭىز كەنىشىندەگى جۇمىسكەرلەر اراسىندا جانجال شىعىپ، ونىڭ ارتى ۇلكەن توبەلەسكە ۇلاسقان. ناتيجەسىندە 45 ادام زارداپ شەككەن. باسىم بولىگى شەتەلدىك جۇمىسشىلار، 4-ءى قازاقستاندىق.

"جاس الاش" 

پىكىرلەر