Teńiz oqıǵasynan soń: Qazaqstanǵa endi kelmeımin

536

Teńiz kenishindegi oqıǵada soqqyǵa jyǵylǵan sheteldikterdiń keıbiri Qazaqstanǵa endi kelmeıtinderin aıtady. Olar 2 shilde kúni aman-esen elderine jetti. Bul týraly olar royanews.tv-ge bergen suhbatynda aıtqan.

Iordanııa syrtqy ister mınıstrligi baspasóz qyzmetiniń habarlaýynsha, Qazaqstanda jumys istep jatqan 107 ıordanııalyqtyń 41-i eline oralǵan. Málimette olardyń kompanııada jumystaryn jalǵastyra beretini aıtylǵan.

Qazaqstannan oralǵan 41 Iordanııa azamatyn ushaqtan túsken boıda syrtqy ister mınıstri Aıman SAFADI kútip alǵan. Safadı Iordanııaǵa oralý týraly sheshim qabyldaǵan otandastaryna hanzada Hýseın ıbn Abdalla II-niń sálemin jetkizip, onyń Qazaqstanda bolǵan oqıǵa kezinde ıordanııalyqtardyń ómirine eshqandaı qaýip tónbeýine úlken kúsh bergenin aıtty.

Jalpy, elderine oralǵan ıordanııalyqtar óte qýanyshty. Alǵan jaraqattarynyń aýyr emes ekenin, qazirgi tańda jaǵdaılary jaqsy ekenin aıtady. Iordanııalyqtardyń biri bolǵan oqıǵaǵa lıvandyqtyń jelige salǵan sýreti sebep bolǵanyn rastady. Jáne «Qazaqstanǵa endi kelmeımin» dedi. Olardyń aıtýynsha, shetel azamattaryn kompanııada jumys isteıtinder ǵana emes, ózge de qazaqstandyqtar soqqyǵa jyqqan.

41 ıordanııalyqpen qosa 125 lıvandyq ta eline oraldy. Lıvan basshylary bolǵan oqıǵaǵa eń aldymen kompanııa basshylaryn aıyptaıdy.

Eske salsaq, 29 maýsym kúni Atyraý oblysyndaǵy Teńiz kenishindegi jumyskerler arasynda janjal shyǵyp, onyń arty úlken tóbeleske ulasqan. Nátıjesinde 45 adam zardap shekken. Basym bóligi sheteldik jumysshylar, 4-i qazaqstandyq.

"Jas Alash" 

Pikirler