رەسەي پرەزيدەنتى "كروكۋس سيتي حوللداعى" تەراكتىگە قاتىستى كەڭەس وتكىزدى، دەپ حابارلايدى "ادىرنا" ۇلتتىق پورتالى ريا نوۆوستي-عا سىلتەپ.
ۆلاديمير پۋتين 139 ادامنىڭ ءومىرىن قيعان "كروكۋس سيتي حوللعا" جاسالعان شابۋىلدى راديكالدى يسلامشىلار جاساعانىن ايتادى. الايدا پرەزيدەنت بۇل ىسكە كىمنىڭ تاپسىرىس بەرگەنىن انىقتاۋ كەرەكتىگىن ايتتى.
پۋتين "بۇل جاعداي 2014 جىلدان بەرى بىزبەن سوعىسىپ جۇرگەندەرگە ءتيىمدى بولدى" دەپ مالىمدەدى.
"كروكۋستاعى" قىلمىستى جاساعاننان كەيىن لاڭكەستەر نەلىكتەن ۋكرايناعا وتپەك بولدى جانە ولاردى وندا كىم كۇتىپ وتىردى دەگەن سۇراقتارعا جاۋاپ بەرۋ كەرەك. تەرگەۋ جوعارى دەڭگەيدە كاسىبي، وبەكتيۆتى، ەشقانداي ساياسي مۇددەنى كوزدەمەي جۇرگىزىلۋى ءتيىس", - دەپ تولىقتىردى رەسەي باسشىسى.
ءپۋتيننىڭ سوزىنشە امەريكا قۇراما شتاتتارى ءارتۇرلى ارنالار ارقىلى "كروكۋستاعى" قاندى قىرعىنعا كيەۆتىڭ قاتىسى جوق دەگەنگە بارلىعىن سەندىرۋگە تىرىسىپ جاتقان كورىنەدى. ونىڭ ايتۋىنشا، تەراكت 2014 جىلدان بەرى كيەۆ رەجيمىنىڭ قولىمەن رەسەيگە قارسى سوعىسىپ جاتقانداردىڭ ارەكەتى بولۋى مۇمكىن.
