بۇل تۋرالى ناۆالنىي ءوزىنىڭ Telegram-كانالىندا حابارلادى. ول كانالعا ماسكەۋ مەرياسى ايماقتىق قاۋىپسىزدىك دەپارتامەنتى باسشىسىنىڭ ورىنباسارى ۆاسيلي ولەينيكتىڭ قولى قويىلعان قۇجاتتى دا قوسا تىركەگەن. قۇجاتتا"شارانىڭ ورنىن اۋىستىرۋ ۇسىنىسىنىڭ قابىلدانباۋىنا بايلانىستى" ۇيىمداستىرۋشىنىڭ "كوپشىلىك الدىندا شارا وتكىزۋ قۇقىعىنا يە ەمەس" ەكەنى ايتىلعان. بۇل تۋرالى رەسەيدىڭ "دوجد" تەلەارناسى حابارلادى.

ماسكەۋ ايماقتىق قاۋىپسىزدىك دەپارتامەنتىنىڭ باسشىسى ۆلاديمير چەرنيكوۆ بۇدان الدىن مەريانىڭ ناۆالنىي جاقتاستارىنىڭ 5 مامىردا اكادەميك ساحاروۆ داڭعىلىندا عانا اكتسيا وتكىزۋدى ۇيلەستىرگەنىن حابارلاعان. ونىڭ ايتۋىنشا، 9 مامىر كۇنى وتەتىن جەڭىس شەرۋىنە ازىرلىككە بايلانىستى قالا ورتالىعىنداعى قوزعالىستىڭ "قاۋىرت" ەكەندىگى ەسكەرىلگەن. ناۆالنىي بولسا، مەريا ۇسىنىسىن "پروۆوكاتسيا" دەپ اتاپ، قالا باسشىلىعى ۇسىنعان باعىتتىڭ ۇزىندىعى نەبارى 350 مەتر ەكەنىن ايتقان.

________________________________________________________________________________________________________________