فوتو: Andrew Harnik/Getty Images
اقش پرەزيدەنتى دونالد ترامپ پەن رەسەي كوشباسشىسى ۆلاديمير پۋتين تەلەفون ارقىلى سويلەستى. بۇل – الياسكادا وتكەن سوڭعى سامميتتەن كەيىنگى ەكى ەل پرەزيدەنتتەرىنىڭ العاشقى تىكەلەي بايلانىسى. اڭگىمە رەسەي تاراپىنىڭ باستاماسىمەن باستالعان، دەپ حابارلايدى “ادىرنا”.
رەسەي پرەزيدەنتىنىڭ كومەكشىسى يۋري ۋشاكوۆتىڭ مالىمەتىنشە، سويلەسۋ شامامەن ەكى جارىم ساعاتقا سوزىلىپ، كونسترۋكتيۆتى اتموسفەرادا ءوتتى. تاراپتار ەڭ الدىمەن ۋكرايناداعى جاعدايدى تالقىلاعان.
سويلەسۋ بارىسىندا پۋتين اقش-تىڭ ۋكرايناعا «توماگاۆك» قاناتتى زىمىراندارىن جەتكىزۋ تۋرالى ىقتيمال شەشىمىنە الاڭداۋشىلىق ءبىلدىردى. ول بۇل قارۋلار مايدانداعى جاعدايعا ايتارلىقتاي اسەر ەتپەيتىنىن، الايدا مۇنداي قادام رەسەي مەن امەريكا اراسىنداعى قارىم-قاتىناسقا «سالماقتى زيان» كەلتىرەتىنىن ايتتى.
اڭگىمە بارىسىندا دونالد ترامپ ەكىجاقتى ءسامميتتى بۋداپەشت قالاسىندا وتكىزۋ تۋرالى ۇسىنىس ايتتى. ۆلاديمير پۋتين بۇل باستامانى قولدادى. قازىرگى ۋاقىتتا كەزدەسۋ مەرزىمى ناقتى بەلگىلەنبەگەن. تاراپتار ءسامميتتىڭ فورماتى مەن كۇنىن قوسىمشا كەلىسەتىن بولادى.
باستاپقى كەلىسسوز رەتىندە رەسەي سىرتقى ىستەر ءمينيسترى سەرگەي لاۆروۆ پەن اقش مەملەكەتتىك حاتشىسى ماركو رۋبيو تەلەفون ارقىلى سويلەسىپ، سامميتكە دايىندىق جۇمىستارىن باستايدى.
ءوز كەزەگىندە ۆەنگريا پرەمەر-ءمينيسترى ۆيكتور وربان الەۋمەتتىك جەلىدەگى پاراقشاسىندا بۋداپەشتتىڭ رەسەي مەن اقش كوشباسشىلارىنىڭ كەزدەسۋىن قابىلداۋعا دايىن ەكەنىن مالىمدەدى.
