Reseı prezıdenti "Krokýs Sıtı Holldaǵy" teraktige qatysty keńes ótkizdi, dep habarlaıdy "Adyrna" ulttyq portaly RIA Novostı-ǵa siltep.
Vladımır Pýtın 139 adamnyń ómirin qıǵan "Krokýs Sıtı Hollǵa" jasalǵan shabýyldy radıkaldy ıslamshylar jasaǵanyn aıtady. Alaıda prezıdent bul iske kimniń tapsyrys bergenin anyqtaý kerektigin aıtty.
Pýtın "bul jaǵdaı 2014 jyldan beri bizben soǵysyp júrgenderge tıimdi boldy" dep málimdedi.
"Krokýstaǵy" qylmysty jasaǵannan keıin lańkester nelikten Ýkraınaǵa ótpek boldy jáne olardy onda kim kútip otyrdy degen suraqtarǵa jaýap berý kerek. Tergeý joǵary deńgeıde kásibı, obektıvti, eshqandaı saıası múddeni kózdemeı júrgizilýi tıis", - dep tolyqtyrdy Reseı basshysy.
Pýtınniń sózinshe Amerıka Qurama Shtattary ártúrli arnalar arqyly "Krokýstaǵy" qandy qyrǵynǵa Kıevtiń qatysy joq degenge barlyǵyn sendirýge tyrysyp jatqan kórinedi. Onyń aıtýynsha, terakt 2014 jyldan beri Kıev rejıminiń qolymen Reseıge qarsy soǵysyp jatqandardyń áreketi bolýy múmkin.
