الەمنىڭ نازارى ماسكەۋدە. كەشەگى لاڭكەستىكتە قازا تاپقاندار سانى 143 ادامعا جەتتى دەيدى اقپارات كوزدەرى.
رەسەيدەگى لاڭكەستىكتى الەمنىڭ بارلىق ەلدەرى مەن قۇرىلىمدارى ايىپتاۋدا. بۇۇ، ناتو، اقش، ەۋروپا ەلدەرى جانە باسقا. قازاقستان دا قاتاڭ ايىپتايتىنىن ايتتى. ول تۇسىنىكتى دە. ەشكىم لاڭكەستىكتى جاقتاماسى انىق.
بۇگىن وسى لاڭكەستىك وقيعاسىنان كەيىن بىزدە دە قاۋىپسىزدىك كەڭەسىنىڭ وتىرىسى وتكەن. وعان پرەزيدەنت قاتىسىپ، تەرروريزممەن كۇرەسۋ شارالارى، ونىڭ الدىن-الۋ ارەكەتتەرى مەن حالىقارالىق ۇيىمدارمەن ارىپتەستىكتى ارتتىرۋ تالقى بولىپتى.
بىرەۋدىڭ قاتەلىگىنەن ساباق الۋ ماڭىزدى. رەسەيدەگى كەشەگى وقيعادا قازا تابۋشىلاردىڭ كوپ بولۋى بىرنەشە قاتەلىككە بايلانىستى دەيدى ساراپشىلار. كۇزەتشىلەردە قارۋ بولماعان، ال عيماراتتا ءورت قاۋىپسىزدىك شاراسى ساقتالماعان (تۇتىندە تۇنشىعىپ كوز جۇمعاندار كوپ), ەۆاكۋاتسيالىق ەسىكتەر جابىق تۇرىپتى جانە باسقا دەگەندەي. بىرەۋدىڭ قاتەلىگىنەن ساباق الۋ كەرەك…
