Álemniń nazary Máskeýde. Keshegi lańkestikte qaza tapqandar sany 143 adamǵa jetti deıdi aqparat kózderi.
Reseıdegi lańkestikti álemniń barlyq elderi men qurylymdary aıyptaýda. BUU, NATO, AQSh, Eýropa elderi jáne basqa. Qazaqstan da qatań aıyptaıtynyn aıtty. Ol túsinikti de. Eshkim lańkestikti jaqtamasy anyq.
Búgin osy lańkestik oqıǵasynan keıin bizde de Qaýipsizdik keńesiniń otyrysy ótken. Oǵan prezıdent qatysyp, terrorızmmen kúresý sharalary, onyń aldyn-alý áreketteri men halyqaralyq uıymdarmen áriptestikti arttyrý talqy bolypty.
Bireýdiń qateliginen sabaq alý mańyzdy. Reseıdegi keshegi oqıǵada qaza tabýshylardyń kóp bolýy birneshe qatelikke baılanysty deıdi sarapshylar. Kúzetshilerde qarý bolmaǵan, al ǵımaratta órt qaýipsizdik sharasy saqtalmaǵan (tútinde tunshyǵyp kóz jumǵandar kóp), evakýaııalyq esikter jabyq turypty jáne basqa degendeı. Bireýdiń qateliginen sabaq alý kerek…
