بۋرياتيادا بەس جاسار قىزدىڭ ساۋساقتارىن كەسىپ تاستاعان ەر ادام سوتتالادى، دەپ حابارلايدى "ادىرنا" ۇلتتىق پورتالى.
ايماقتاعى تفر تەرگەۋ باسقارماسىنان REGNUM اا حابارلاعانداي، وسى فاكتى بويىنشا بەس جاسار قىزعا قاساقانا دەنساۋلىعىنا اۋىر زيان كەلتىرۋ بويىنشا قوزعالعان قىلمىستىق ءىس اياقتالدى. ايىپتالۋشى قىزدىڭ 47 جاستاعى اعاسى.
تەرگەۋ مالىمەتتەرى بويىنشا، 31 تامىزدا جابىرلەنۋشى اكەسىمەن جانە ناعاشىسىمەن بىرگە پريبايكالسكي اۋدانى، پوكروۆكا اۋىلىنىڭ ماڭىنداعى ءشوپ شابىلاتىن جەرگە بارعان. كەشكە ەر ادامدار الكوگولدىك ىشىمدىكتەر ءىشىپ، قىزدىڭ اكەسى ۇيىنە قايتىپ كەتكەن. ول قىزىن ورمانداعى تۋىسىنىڭ ۇيىنە تاستاپ كەتكەن.
اعاسى جيەنىنە پلانشەت بەرىپ، ونىمەن قىز ويناي باستادى. بىراق كەيىننەن ونى كەزدەيسوق قۇلاتىپ، سىندىرىپ الدى. بالانىڭ تەرىس قىلىقتارىنا اشۋلانعان ماس ادام، قىزدىڭ سول قولىن بورەنە ۇستىنە قويىپ، جابىرلەنۋشىنىڭ ساۋساقتارىن بالتامەن شاۋىپ، ونىڭ قولىنىڭ 3 جانە 4 ساۋساقتارىنا زاقىم كەلتىرگەن، دەپ مالىمەت بەردى ايماق بويىنشا تەرگەۋ دەپارتامەنتىنىڭ ءباسپاسوز قىزمەتى
وسىدان كەيىن اعاسى جيەنىن ۇيىنە الىپ بارىپ، ونى قورشاۋعا تاستاپ كەتكەن. قىزدىڭ اتا-اناسى قان-جوسا بولعان قىزىن كورگەندە جەدەل جاردەم شاقىرعان.
حابارلاماعا سايكەس، دارىگەرلەر ءبىر ساۋساعىنىڭ فالانگاسىن قايتا تىگىپ ۇلگەردى.
"ادىرنا" ۇلتتىق پورتالى
