اسا قۇرمەتتى پرەزيدەنت مىرزا!
ەلتاڭبا مەن ناسىباي ماسەلەلەرىنەن بۇرىن، ون مىڭداعان قازاقتىڭ قىرىلۋىنا سەبەپ بولعان، ماسقارا جاعدايداعى جولدارعا نازار اۋدارىڭىز !
ءبىر ادامنىڭ جالپى دەنساۋلىعى، ءجۇرىپ-تۇرىپ، دۇرىس كۇنكورىسى ءۇشىن ول ادامنىڭ قان تامىرلارى جۇيەسىنىڭ قالىپتى قىزمەتى قانشاما ماڭىزدى بولسا، ءبىر مەملەكەتتىڭ ەكونوميكالىق تۇرعىدان العا باسىپ، دامۋى، تۇرعىندارىنىڭ الدىنعى قاتارلى مەملەكەتتەردىڭ ازاماتتارى سياقتى ويداعىداي قاۋىپسىز راحات، بەيبىت ءومىر كەشۋلەرى ءۇشىن ول مەملەكەتتىڭ قان تامىرلارى جۇيەسى بولىپ سانالاتىن جول جۇيەسىنىڭ دە حالىقتىڭ بارشا قاجەتتىلىكتەرىنە جاۋاپ بەرە الاتىن جاعدايدا بولۋى شارت.
قازاقستاندا جولداردىڭ تاۋەلسىزدىك العاننان بەرى ءالى كۇنگە دەيىن جالعاسىپ كەلە جاتقان ماسقارا جاعدايى قازاق ەلىنىڭ تەك عانا اسا ءىرى كولەمدە ورنى تولماس ەكونوميكالىق، ماتەريالدىق شىعىندارعا ۇشىراۋىنا سەبەپ بولمادى.
وكىنىشكە وراي، قازاق ەلى قۇداي بەرگەن تابيعي بايلىقتارى ناتيجەسىندە الەمنىڭ ەڭ باي مەملەكەتتەرىنىڭ ءبىرى بولا تۇرا، جولدارى تاۋەلسىزدىك العالى بەرى، قازىرگە دەيىن جاۋاپتى ورىنداردا بولعان ۇلت ساتقىنى، تەكسىز، ارسىز، نامىسسىز جەمقورلاردىڭ كەسىرىنەن ويداعىداي دامىماي، ادامنىڭ جۇرەگىن اۋىرتاتىنداي ماسقارا جاعدايدا قالىپ قويدى.
وكىنىشكە وراي سوڭعى 30 جىلدا قازاقستاندا جول اپاتىنان 83 مىڭنان استام قازاعىمىز، باۋىرلارىمىز قازا تاپقان. اسىرەسە ءسىزدىڭ تۇسىڭىزدا، اتاپ ايتقاندا سوڭعى 3 جىلدا جول-كولىك اپاتتارىنىڭ سانى، جىل سايىن 6 پايىزعا ءوسىپ وتىرعان.
سوندىقتان ەلتاڭبا مەن ناسىباي ماسەلەلەرىنەن بۇرىن قازاق ەلىنىڭ سورىنا، ۇلتتىق تراگەدياعا اينالعان جول ماسەلەسىنە باسا نازار اۋدارساڭىز دۇرىس بولار ەدى !!!
سونىمەن قاتار ونسىزدا سورى بەس ەلى جەزقازعان ءوڭىرىنىڭ اكىمى، ايماقتاعى جولدىڭ كەشەگى كۇنگى ماسقارا جاعدايى اشكەرە بولعان سوڭ، ءتيتتاي دە ۇياتى بولسا ءوز ەركىمەن ورنىن بوساتۋى كەرەك دەپ ويلايمىن.
ءومىرحان التىن
