Asa qūrmettı Prezident myrza!
Eltaŋba men nasybai mäselelerınen būryn, on myŋdaǧan qazaqtyŋ qyryluyna sebep bolǧan, masqara jaǧdaidaǧy joldarǧa nazar audaryŋyz !
Bır adamnyŋ jalpy densaulyǧy, jürıp-tūryp, dūrys künkörısı üşın ol adamnyŋ qan tamyrlary jüiesınıŋ qalypty qyzmetı qanşama maŋyzdy bolsa, bır memlekettıŋ ekonomikalyq tūrǧydan alǧa basyp, damuy, tūrǧyndarynyŋ aldynǧy qatarly memleketterdıŋ azamattary siiaqty oidaǧydai qauıpsız rahat, beibıt ömır keşulerı üşın ol memlekettıŋ qan tamyrlary jüiesı bolyp sanalatyn jol jüiesınıŋ de halyqtyŋ barşa qajettılıkterıne jauap bere alatyn jaǧdaida boluy şart.
Qazaqstanda joldardyŋ täuelsızdık alǧannan berı älı künge deiın jalǧasyp kele jatqan masqara jaǧdaiy Qazaq Elınıŋ tek ǧana asa ırı kölemde orny tolmas ekonomikalyq, materialdyq şyǧyndarǧa ūşyrauyna sebep bolmady.
Ökınışke orai, Qazaq Elı Qūdai bergen tabiǧi bailyqtary nätijesınde älemnıŋ eŋ bai memleketterınıŋ bırı bola tūra, joldary täuelsızdık alǧaly berı, qazırge deiın jauapty oryndarda bolǧan ūlt satqyny, teksız, arsyz, namyssyz jemqorlardyŋ kesırınen oidaǧydai damymai, adamnyŋ jüregın auyrtatyndai masqara jaǧdaida qalyp qoidy.
Ökınışke orai soŋǧy 30 jylda Qazaqstanda jol apatynan 83 myŋnan astam Qazaǧymyz, bauyrlarymyz qaza tapqan. Äsırese sızdıŋ tūsyŋyzda, atap aitqanda soŋǧy 3 jylda jol-kölık apattarynyŋ sany, jyl saiyn 6 paiyzǧa ösıp otyrǧan.
Sondyqtan eltaŋba men nasybai mäselelerınen būryn Qazaq Elınıŋ soryna, ūlttyq tragediiaǧa ainalǧan jol mäselesıne basa nazar audarsaŋyz dūrys bolar edı !!!
Sonymen qatar onsyzda sory bes elı Jezqazǧan öŋırınıŋ äkımı, aimaqtaǧy joldyŋ keşegı küngı masqara jaǧdaiy äşkere bolǧan soŋ, tittäi de ūiaty bolsa öz erkımen ornyn bosatuy kerek dep oilaimyn.
Ömırhan Altyn
Ūqsas jaŋalyqtar
