قىتايدا رەسەي، قازاقستان جانە ورتالىق ازيانى زەرتتەيتىن وتىزدان استام ينستيتۋتتار مەن ورتالىق بار. ولار ءبىزدىڭ تاريحىمىزدان تارتىپ، قازىرگى جاعدايىمىزدى جان-جاقتى تەرەڭ زەرتتەپ وتىر.
ولار مەملەكەتتىك بيۋدجەتتەن قارجىلانادى جانە جوبالار ارقىلى گرانتپەن قارجىلانادى.
سول ارقىلى قازاقستانعا كەلەدى، ايلاپ، جىلداپ جاتىپ زەرتتەۋ جۇرگىزەدى. ونداي ينستيتۋتتان بىزدە تەك ر. سۇلەيمەنوۆ اتىنداعى شىعىستانۋ ينستيتۋتى عانا بار.
بىراق ولاردىڭ زەرتتەۋ نىسانى – قىتايدى قامتىعان بۇكىل شىعىس ەلدەرى.
سوڭعى جىلدارى اتالمىش ينستيتۋت قازىرگى قىتايدى زەرتتەۋگە ويىسىپ، قولدانبالى ماڭىزى زور وزەكتى تاقىرىپتار بويىنشا جۇرگىزگەن زەرتتەۋ ناتيجەلەرىن جاريالاي باستادى. بۇل – قۇپتارلىق بەتالىس.
