Qytaıda Reseı, Qazaqstan jáne Ortalyq Azııany zertteıtin otyzdan astam ınstıtýttar men ortalyq bar. Olar bizdiń tarıhymyzdan tartyp, qazirgi jaǵdaıymyzdy jan-jaqty tereń zerttep otyr.
Olar memlekettik bıýdjetten qarjylanady jáne jobalar arqyly grantpen qarjylanady.
Sol arqyly Qazaqstanǵa keledi, aılap, jyldap jatyp zertteý júrgizedi. Ondaı ınstıtýttan bizde tek R. Súleımenov atyndaǵy Shyǵystaný ınstıtýty ǵana bar.
Biraq olardyń zertteý nysany – Qytaıdy qamtyǵan búkil Shyǵys elderi.
Sońǵy jyldary atalmysh ınstıtýt qazirgi Qytaıdy zertteýge oıysyp, qoldanbaly mańyzy zor ózekti taqyryptar boıynsha júrgizgen zertteý nátıjelerin jarııalaı bastady. Bul – quptarlyq betalys.
