اتىراۋدا مەملەكەتارالىق ىزدەۋدە جۇرگەن شەتەلدىك تابىلدى، دەپ حابارلايدى "ادىرنا" ۇلتتىق پورتالى "موي گورود" باسىلىمىنا سىلتەمە جاساپ.
اتىراۋ وبلىسى بويىنشا پد كوشى-قون قىزمەتى باسقارماسىنىڭ قىزمەتكەرلەرى سوت ورىنداۋشىلارىنىڭ شەشىمدەرى نەگىزىندە ىزدەۋدە جۇرگەن بورىشكەرلەردى انىقتاۋدا.
«وتكەن جىلى اتىراۋ وبلىسىندا جۇزدەن استام بورىشكەرگە ىزدەۋ جاريالاندى.قىزمەتكەرلەر 79 بورىشكەردىڭ تۇرعىلىقتى جەرىن انىقتادى.ولار ارنايى ەسەپتەن شىعارىلدى. ىزدەۋدەگى بورىشكەرلەر قاتارىندا قازاقستاندىق ازاماتتارمەن قوسا شەتەلدىكتەر دە بار»، - دەپ ءتۇسىندىردى وبلىستىق پوليتسيا دەپارتامەنتىنەن.
27 اقپاندا قىزمەتكەرلەر وزبەكستان ازاماتىن انىقتادى. 32 جاستاعى ايەل «بورىشكەر» ساناتى بويىنشا مەملەكەتارالىق ىزدەۋدە بولعان.
"2022 جىلدىڭ 5 جەلتوقسانىندا شەتەلدىك ازاماتقا 53 603 تەڭگە كولەمىندە اكىمشىلىك ايىپپۇل سالىندى. ودان قارىز ءوندىرىلدى. سونداي-اق ول ەلدە بولۋ زاڭدىلىعىن بۇزدى. ول قايتادان اكىمشىلىك جاۋاپكەرشىلىككە تارتىلدى", - دەلىنگەن دەپارتامەنت حابارلاماسىندا.
