اتىراۋدا 23 جاستاعى يانا لەگكوديموۆانىڭ ولىمىنە بايلانىستى تەرگەۋ ىسىندە جاڭا ءارى جان تۇرشىگەرلىك دەرەكتەر پايدا بولدى، دەپ حابارلايدى "ادىرنا" ۇلتتىق پورتالى "نەمولچي" قورىنا سىلتەپ.
سوت بارىسىندا پروكۋرور ايىپتالۋشى ريزۋان حايرجانوۆ پەن التىنبەك كاتيموۆ اراسىنداعى حات الماسۋلاردىڭ مازمۇنىن جاريا ەتكەن. بۇل حاتتار كەيىننەن الەۋمەتتىك جەلىلەردە ءبولىپ-ءبولىپ جاريالانعاندىقتان، وقيعالاردىڭ رەتتىلىگى بۇزىلعانىمەن، مازمۇنى قوعامدى ءدۇر سىلكىندىردى.
«ول ۇيىقتاپ جاتىر — ءالى جىلى، ءتىرى سياقتى»، «ول ءمايىتتى تيىسپە. كورەرمىز»، «اشۋڭدى باس، ءبارىن تازالاپ شىق، ءىز قالۋى مۇمكىن»، «ولار يتپەن كەلە مە؟» — دەلىنگەن حابارلامالار تاراعان.
جەلىدە تاراعان حابارلامالارادىڭ اراسىندا ەڭ كوپ تالقىلانعان جازبا — ء«بىز ودان دا سوراقى ىستەر جاساعانبىز» دەگەن سويلەم بولدى.
تاعى ءبىر ۇزىندىدە ولار جازادان قۇتىلۋ جولدارىن اشىق تالقىلايدى.
«پروكۋرورعا پارا بەرسەڭ بولادى. ءبارى پاراقور عوي»، «قىمباتقا تۇسەدى، بىراق كورەرمىز»، - دەلىنگەن جەلىدە تاراعان جازبادا.
بۇل حات ۇزىندىلەرىن قوعام بەلسەندىلەرى مەن «نەمولچيKZ» ۇيىمى جاريالاعان. ۇيىم مالىمەتىنشە، جازبالاردان ايىپتالۋشىلاردىڭ ەشقانداي وكىنىش نە قورقىنىش سەزىنبەگەنى بايقالادى.
قازىر سوت پروتسەسى جالعاسىپ جاتىر. قوعام وكىلدەرى مەن قۇقىق قورعاۋشىلار بۇل ءىستىڭ تولىق ءارى ءادىل تەرگەلۋىن تالاپ ەتۋدە.
