يندەربور كەنتىنە باراتىن جولدى سۋ باسۋ قاۋپى ءتونىپ تۇر، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
اتىراۋ-ورال تراسساسىنان يندەر اۋدانىنا باراتىن 7 شاقىرىمدىق جولدى سۋ باسۋ قاۋپى تونگەندىكتەن جۇك كولىكتەرىنىڭ قوزعالىسىنا شەكتەۋ قويىلدى.
قاۋىپتىڭ كۇشەيۋ سەبەبى جايىق وزەنىندەگى سۋ دەڭگەيى كوتەرىلۋى مەن ەكپىندى جەل.
12 مامىر كۇنى كۇندىزگى 16:00-دە جايىق وزەنىنىڭ سۋ دەڭگەيى 1 035 سانتيمەترگە جەتكەن. جەرگىلىكتى جەدەل شتاب بۇل قاۋىپتى دەڭگەيدەن +190 سانتيمەترگە كوپ ەكەنىن حابارلايدى.
ودان بولەك، جەلدىڭ سالدارىنان يندەربور كەنتىنە باراتىن جولعا تىرەلگەن سۋدىڭ تولقىنىن كۇشەيتكەن.
«جولدىڭ ەكى جاعىنا توپىراق توگىلىپ، بوگەت سوعىلعان ەدى. بىراق، سۋ اسفالتتىڭ استىنان ءوتىپ، ەندى بەتىنە شىعىپ جاتىر. وسىعان بايلانىستى اتىراۋ-ورال تراسساسىنان يندەربور كەنتىنە دەيىن باراتىن 7 شاقىرىمدىق جولدا جۇك كولىكتەرىنىڭ قوزعالىسى توقتاتىلدى. قازىر جاعداي باقىلاۋعا الىنىپ، ءتيىستى جۇمىستاردى اتقارۋ ءالى دە جالعاسۋدا»، - دەپ حابارلادى اۋداندىق جەدەل شتابتان.
