قاراعاندى وبلىسىنا قاراستى عابيدەن مۇستافين كەنتىنىڭ اكىمى جۇمىستان شىعارىلدى. ول ماس كۇيىندە كولىك جۇرگىزىپ، 15 كۇنگە قاماۋعا الىنعان ەدى، دەپ حابارلايدى «ادىرنا» ءتىلشىسى.
شەنەۋنىكتى قىزمەتىنەن بوساتۋ تۋرالى شەشىمدى ەتيكا كەڭەسى قابىلدادى.
«قىزمەتتىك تەرگەۋ ناتيجەسى بويىنشا بۇقار جىراۋ اۋدانىنىڭ اكىمىنە عابيدەن مۇستافين كەنتىنىڭ اكىمى مەملەكەتتىك قىزمەتشىلەردىڭ ادەپ كودەكسىنىڭ 6 جانە 10 - تارماقتارىنىڭ 4, 5 جانە 8-تارماقشالارىن ساقتاماعانى ءۇشىن اتقاراتىن قىزمەتىنەن بوساتۋ ۇسىنىلدى»،—دەلىنگەن حابارلامادا.
تەرگەۋ بارىسىندا اكىمنىڭ بۇعان دەيىن دە ماس كۇيىندە كولىك جۇرگىزگەنى بەلگىلى بولدى.
