قازاقستان حالقى اسسامبلەياسى ەتنو-مادەني ورتالىقتارىنىڭ توراعالارى، قازاقستان حالقى اسسامبلەياسىنىڭ كاسىپكەرلەر اسسوتسياتسياسىنىڭ توراعاسى مەن مۇشەلەرى،اسسامبلەيا جاستارى وكىلدەرى بىرلەسىپ كوكتەمدە ورتالىق ساياباقتا قحا اللەياسىنا وتىرعىزىلعان شىرشالاردى سۋارۋ جۇمىستارىنا سارسەنبىلىك سەنبىلىك وتكىزىپ قايتتى.
بۇعان دەيىن دە قالانىڭ ورتالىق ساياباعىنىڭ تەڭگەرىمىنە بەرىلگەن اعاشتارعا باقىلاۋ جاسالىنىپ كەيبىر وتىرعىزىلعان شىرشالاردىڭ وسپەي قالۋ قاۋپى بار ەكەنىن بايقاعان بولاتىنبىز. اسسامبلەيا مۇشەلەرىنىڭ بەلسەندى ارەكەتى ارقاسىندا ءار شىرشانى ارام شوپتەرىنەن تازالاپ، تۇپتەرىن قوپسىتىپ، بارلىعىنا دەرلىك سۋارۋ جۇمىسى جۇرگىزىلدى.
سەنبىلىكتە قالامىزدىڭ تۇرعىنى،زەينەتكەر ساكەن كەلدىباەۆ اعامىز بىزبەن بىرگە بولىپ، ءوزىنىڭ ماماندىعى اگرونوم بولعاندىقتان ولاردىڭ كۇتۋ ادىستەرىنە توقتالىپ،قالامىزدىڭ ءاربىر جاسىل جەلەگىنە ەرەكشە جاناشىرلىقپەن قارايتىنىن ايتىپ ءوتتى.
قالامىزدىڭ باس باعبانى اتانىپ جۇرگەن اعامىزعا ەرەكشە العىسىمىزدى بىلدىرەمىز.
ءوز تاراپىمىزدان الداعى ۋاقىتتا اللەياعا جاۋاپتى ادامدار ءار اپتا سايىن كەلىپ قاداعالاۋ جۇمىستارىن جۇرگىزەتىن بولادى.
قالامىزدى كوگالداندىرىپ،قورشاعان ورتانى تازا ۇستاۋ ءار ازاماتتىڭ مىندەتى بولعاندىقتان،ونى تەك ەگىپ عانا قويماي،ودان ءارى ونىڭ ءوسىپ جايقالۋىن قاداعالاۋ ءبىزدىڭ بورىشىمىز.
"ادىرنا" ۇلتتىق پورتالى
