مەديامەنەدجەر سىرىم يتقۇلوۆ استاناداعى ورتالىق مەشىتتىڭ اتاۋىنا قاتىستى پىكىر ءبىلدىردى، دەپ حابارلايدى "ادىرنا" ءتىلشىسى.
"Adal adam" يۋتۋب ارناسىنا بەرگەن سۇحباتتا سىرىم يتقۇلوۆ باس قالاداعى مەشىتتىڭ اتاۋى كىمگە بەرىلەتىنى تۋرالى ويىن ايتتى.
" ءبارىمىز بىلەتىندەي بىردەڭە اتىن وزگەرتپەسە، دەمەك ول ءوز قوجايىنىن كۇتۋدە دەگەن ءسوز. سوزىمىزگە دالەل - فۋرمانوۆ كوشەسى. ءيا، ءبىز كوشە فۋرمانوۆ اتاۋىن كۇتىپ تۇرعانىن بالا كەزىمىزدەن بىلدىك، ءبىر كەزدەرى بىزگە سولاي ايتقان.
"مەشىت تە ءدال سولاي. ول قالاي اتالدى؟ "باس مەشىت"? ءبىزدىڭ برەندينگ اتاۋلارىن جاقسى كورەتىندەر ونى باياعىدا-اق "نۇر-استانا مەشىتى", "نۇر-مەشىتى" دەپ اتاۋشى ەدى. ء"ال-حازىرەت سۇلتان" مەشىتى سىندى اتاۋلار بار. باس مەشىت جاي عانا "باس مەشىت" بولىپ تۇر. مىنە، مۇنىڭ ءبارى ءبىر-بىرىمەن بايلانىستى. دەمەك، ول ءوز قۇرىلىسشىسىن كۇتىپ جاتىر. بىرەۋدى جەرلەيدى، سوسىن "مەشىت-كەسەنە" اتالادى. ياعني، مۇندا ستامبۋل نۇسقاسىنىڭ ءبىر ءتۇرى بار، ءيا", - دەدى ول.
"مەن بۇل مەشىتتىڭ تاسىن پرەزيدەنتتىك وكىلەتتىگىمنەن باس تارتۋدان ءبىر كۇن بۇرىن قويدىم. مۇسىلمان رەتىندە مەن مەشىت سالۋعا باستاماشىلىق ەتۋدى قاسيەتتى بورىشىم دەپ سانادىم. بۇل مەشىت الەمدەگى ەڭ ۇلكەن مەشىتتەردىڭ ءبىرى. مەشىت جەكە ينۆەستورلاردىڭ قولداۋىمەن بوي كوتەردى. قۇرىلىسقا ەل بيۋدجەتىنەن قاراجات الىنعان جوق", - دەدى قازاقستاننىڭ تۇڭعىش پرەزيدەنتى.
