ەت اساعان استانا تۇرعىنى تۇنشىعىپ، وقىستان كوز جۇمدى

2362
Adyrna.kz Telegram

ەت اساعان استانا ازاماتى تۇنشىعىپ، جازىم وقيعا سالدارىنان جان ءتاسىلىم ەتتى. قارا كەسەك ەتكە تۇنشىققان تۇرعىننىڭ تىنىسى تارىلىپ، دەمى ۇزىلگەن، دەپ حابارلايدى "ادىرنا" ۇلتتىق پورتالى Zakon.kz-كە سىلتەمە كورسەتە وتىرىپ. 

اقمولا وبلىسىندا ەر ادام تاماقتانۋ كەزىندە جازاتايىم وقيعا سالدارىنان قايتىس بولدى.

2023 جىلعى 22 ناۋرىزدا ساندىقتاۋ اۋداندىق پوليتسيا بولىمىنە اۋدان اۋىلدارىنىڭ بىرىندە استانا تۇرعىنىنىڭ قايعىلى جاعدايدا قازا تاپقانى تۋرالى ۋچاسكەلىك پوليتسيا ينسپەكتورىنىڭ حابارلاماسى كەلىپ ءتۇستى.

كۋاگەرلەردىڭ ايتۋىنشا، ەر ادام ەت جەۋ كەزىندە تۇنشىعىپ قالعان. الدىن الا مالىمەتتەر بويىنشا، ەر ادامنىڭ ءولىمى تىنىس الۋ جولدارىندا تۇرىپ قالعان تاعامعا بايلانىستى مەحانيكالىق اسفيكسيا ناتيجەسىندە پايدا بولعان.

ەر ادام ەلدى مەكەندە قوناقتا بولعانى بەلگىلى بولدى. استانالىقتىڭ قازا بولۋىنىڭ ناقتى سەبەپتەرى سوت-مەديتسينالىق زەرتتەۋ بارىسىندا انىقتالاتىن بولادى.

"ادىرنا" ۇلتتىق پورتالى 

پىكىرلەر