LRT Astana ىسكە قوسىلعالى بەرى جاڭا كولىك جۇيەسىنىڭ قىزمەتىن 1 ميلليون جولاۋشى پايدالاندى. بۇل تۋرالى استانا اكىمى جەڭىس قاسىمبەك مالىمدەدى، دەپ حابارلايدى "ادىرنا".
ونىڭ ايتۋىنشا، بۇگىندە LRT كۇن سايىن 65–75 مىڭ ادامدى تاسىمالدايدى.
«LRT ىسكە قوسىلعالى ەكى اپتا ىشىندە جولاۋشىلار اعىنى 1 ميلليون ادامعا جەتتى. كۇندەلىكتى جولاۋشىلار سانى شامامەن 65–75 مىڭ ادامدى قۇرايدى. بۇل كورسەتكىشتەر ەلوردا تۇرعىندارى مەن قوناقتارى اراسىندا جاڭا رەلستى قوعامدىق كولىك تۇرىنە سۇرانىستىڭ جوعارى ەكەنىن كورسەتەدى»، – دەپ جازدى اكىم Instagram پاراقشاسىندا.
جەڭىس قاسىمبەك سونداي-اق جولاۋشىلارعا جاڭا كولىك جۇيەسىنە سەنىم ءبىلدىرىپ، ينفراقۇرىلىمعا ۇقىپتى قاراعانى ءۇشىن العىس ايتتى.
بۇدان بولەك، اكىم ەلوردادا LRT جوباسىنىڭ قوسشى باعىتىنا قاراي ەكىنشى كەزەڭىن ىسكە اسىرۋ باستالعانىن حابارلادى. قالا باسشىسىنىڭ سوزىنشە، جەلىنى ءارى قاراي دامىتۋ اگلومەراتسيانىڭ كولىك مۇمكىندىكتەرىن كەڭەيتىپ، قالا ماڭىنداعى اۋماق تۇرعىندارى ءۇشىن قوعامدىق كولىكتىڭ قولجەتىمدىلىگىن ارتتىرۋعا مۇمكىندىك بەرەدى.
