Medıamenedjer Syrym Itqulov Astanadaǵy Ortalyq meshittiń ataýyna qatysty pikir bildirdi, dep habarlaıdy "Adyrna" tilshisi.
"Adal adam" ıýtýb arnasyna bergen suhbatta Syrym Itqulov bas qaladaǵy meshittiń ataýy kimge beriletini týraly oıyn aıtty.
" Bárimiz biletindeı birdeńe atyn ózgertpese, demek ol óz qojaıynyn kútýde degen sóz. Sózimizge dálel - Fýrmanov kóshesi. Iá, biz kóshe Fýrmanov ataýyn kútip turǵanyn bala kezimizden bildik, bir kezderi bizge solaı aıtqan.
"Meshit te dál solaı. Ol qalaı ataldy? "Bas meshit"? Bizdiń brendıng ataýlaryn jaqsy kóretinder ony baıaǵyda-aq "Nur-Astana meshiti", "Nur-meshiti" dep ataýshy edi. "Ál-Haziret Sultan" meshiti syndy ataýlar bar. Bas meshit jaı ǵana "bas meshit" bolyp tur. Mine, munyń bári bir-birimen baılanysty. Demek, ol óz qurylysshysyn kútip jatyr. Bireýdi jerleıdi, sosyn "meshit-kesene" atalady. Iaǵnı, munda Stambýl nusqasynyń bir túri bar, ıá", - dedi ol.
"Men bul meshittiń tasyn prezıdenttik ókilettigimnen bas tartýdan bir kún buryn qoıdym. Musylman retinde men meshit salýǵa bastamashylyq etýdi qasıetti boryshym dep sanadym. Bul meshit álemdegi eń úlken meshitterdiń biri. Meshit jeke ınvestorlardyń qoldaýymen boı kóterdi. Qurylysqa el bıýdjetinen qarajat alynǵan joq", - dedi Qazaqstannyń tuńǵysh prezıdenti.
