استاناداعى ورتا مەكتەپتىڭ ديرەكتورى پىشاق جاراقاتىمەن اۋرۋحاناعا ءتۇستى. وعان قوسا، پاتەردەن ديرەكتوردىڭ كۇيەۋىنىڭ ءمايىتى تابىلعان. بۇل اقپاراتتى استانا قالالىق پوليتسيا دەپارتامەنتى راستادى، دەپ حابارلايدى “ادىرنا” ۇلتتىق پورتالى.
"26 اقپاندا استانا پوليتسيا دەپارتامەنتىنىڭ 102 ارناسىنا تۇرعىن ءۇيدىڭ پاتەرىنەن ەر ادامنىڭ ءمايىتى تابىلعانى، ايەلدىڭ پىشاق جاراقاتىمەن اۋرۋحاناعا جەتكىزىلگەنى تۋرالى حابارلاما كەلىپ ءتۇستى. وسى فاكتى بويىنشا سوتقا دەيىنگى تەرگەۋ باستالدى. ءىس بويىنشا قاجەتتى ساراپتامالار تاعايىندالدى", - دەپ حابارلادى استانا قالالىق پوليتسيا دەپارتامەنتىنىڭ وكىلدەرى.
پوليتسەيلەر قىلمىستىق-پروتسەستىك كودەكستىڭ 201-بابىنا سايكەس سوتقا دەيىنگى تەرگەپ-تەكسەرۋدىڭ باسقا مالىمەتتەرى جاريا ەتۋگە جاتپايتىنىن اتاپ ءوتتى.
