ساۋد ارابياسىنىڭ قاجىلىق جانە ۋمرا مينيسترلىگى قاجىلارعا قاجەتتى رۇقساتتاردى الماعانداردى 2024 جىلعى قاجىلىق ماۋسىمىنا قاتىسۋدان ساقتاندىردى. ءتارتىپ بۇزۋشىلارعا جازا قاتاڭداتىلدى، دەپ حابارلايدى “ادىرنا” ۇلتتىق پورتالى Gulfnews-كە سىلتەپ.
ەل بيلىگى جەرگىلىكتى تۇرعىنداردى دا، شەتەلدىك قوناقتاردى دا قاجىلىققا كەلىسىمسىز قاتىسقانى ءۇشىن ەندى 2 ايدان 6 ايعا دەيىن باس بوستاندىعىنان ايىرۋ جازاسىنا كەسىلىپ، 50 مىڭ رەالعا (13,33 مىڭ دوللار) دەيىن ايىپپۇل تولەيتىنىن ەسكەرتەدى. سونىمەن قاتار، شەتەل ازاماتتارى جازاسىن وتەگەن سوڭ ەلدەن شىعارىلىپ، 10 جىل مەرزىمگە ساۋد ارابياسىنا كىرۋگە تىيىم سالىنادى.
ءتيىستى رۇقساتتارى جوق قاجىلاردى تاسىمالداۋ كەزىندە ۇستالعاندارعا دا 50 مىڭ ساۋد رەالى كولەمىندە ايىپپۇل سالىنادى. سونداي-اق قاجىلارعا «زاڭسىز قارجىلىق كومەككە» قاتىسقانى ءۇشىن ىقتيمال جازالار تۋرالى ەسكەرتىلدى. مۇنداي زاڭ بۇزۋشىلىقتار ءۇشىن 7 جىلعا دەيىن باس بوستاندىعىنان ايىرۋ جانە 5 ميلليون ساۋد ريالىنا دەيىن (1,33 ميلليون دوللار) ايىپپۇل سالىنادى.
قاجىلار بۇرىن رۇقساتسىز قاجىلىققا قاتىسقانى ءۇشىن جازالانعان، بىراق ونشا اۋىر ەمەس. وسىلايشا، 2023 جىلى Arab News اقپاراتىنا سايكەس، الەمنىڭ تۇكپىر-تۇكپىرىنەن 1,8 ميلليوننان استام مۇسىلمان قاجىلىق پارىزىن وتەگەن. ارنايى ۆيزاسىز قاجىلىققا بارۋعا ارەكەتتەنگەن 17,6 مىڭنان استام ادام ۇستالدى. ونىڭ ىشىندە 9,5 مىڭ ەڭبەك جانە شەكارا قاۋىپسىزدىگى ەرەجەلەرىن بۇزۋشىلار، 105 جالعان قاجىلىق تۋرىن ۇيىمداستىرۋشىلار جانە 33 قاجىلىق ورىندارىن قاجىلاردى زاڭسىز تاسىمالداۋشىلار.
