مەملەكەت باسشىسى مۇحاممەد پايعامبار مەشىتىنە زيارات ەتتى، - دەپ حابارلايدى "ادىرنا" ءتىلشىسى اقورداعا سىلتەمە جاساپ.
پرەزيدەنت قاسىم-جومارت توقاەۆتىڭ ساۋد ارابياسى كورولدىگىنە جۇمىس ساپارى يسلامدا ەكىنشى قاسيەتتى ورىن سانالاتىن مەدينا قالاسىنداعى مۇحاممەد پايعامبار مەشىتىنە بارۋدان باستالدى.
مەملەكەت باسشىسى مۇحاممەد پايعامباردىڭ قابىرىنە زيارات ەتىپ، دۇعا جاسادى. قازاقستان پرەزيدەنتىنىڭ كەلۋىنە وراي وعان ەرەكشە قۇرمەت رەتىندە پايعامبار جەرلەنگەن كيەلى ورىننىڭ ەسىگى اشىلدى.
كەيىن پرەزيدەنت قاسىم-جومارت توقاەۆ قوس كيەنىڭ ساقشىسى – ساۋد ارابياسىنىڭ كورولى سالمان بەن ابدەلازيز ءال ساۋدتىڭ شاقىرۋىمەن جيددا قالاسىنا جۇمىس ساپارىمەن باردى. مەملەكەت باسشىسىن اۋەجايدا مەككە پروۆينتسياسى گۋبەرناتورىنىڭ ورىنباسارى، حانزادا بادر بەن سۇلتان بەن ابدەلازيز، جيددا پروۆينتسياسىنىڭ گۋبەرناتورى ساليح بەن ءالي ات-تۇركي قارسى الدى.
بۇگىن قاسىم-جومارت توقاەۆ جيددا قالاسىندا وتەتىن "ورتالىق ازيا + شىعاناقتاعى اراب مەملەكەتتەرىنىڭ ىنتىماقتاستىق كەڭەسى" اتتى مەملەكەتتەر باسشىلارىنىڭ ءبىرىنشى سامميتىنە قاتىسادى.
