اقمولا وبلىسىندا پوليتسيا قىزمەتكەرلەرى التىن قۇرامدى ماتەريالدى وڭدەۋمەن اينالىسقان شاعىن جاسىرىن تسەحتىڭ زاڭسىز قىزمەتىن توقتاتتى، دەپ حابارلايدى “ادىرنا” وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
جاسىرىن تسەحتىڭ يەسى اقسۋ كەنتىنىڭ 38 جاستاعى تۇرعىنى بولىپ شىقتى. قۇقىق قورعاۋ ورگاندارىنىڭ مالىمەتىنشە، ول ءتيىستى رۇقساتتار مەن ليتسەنزيالارسىز التىن قۇرامدى ماتەريالدى وڭدەۋ پروتسەسىن ءوز بەتىنشە جولعا قويعان.
تەرگەۋ بارىسىندا ارنايى جابدىقتار مەن زاڭسىز قىزمەتتى دالەلدەيتىن وزگە دە زاتتاي ايعاقتار تاركىلەندى.
قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلىپ جاتىر. قوسىمشا ءمان-جايلار مەن الىنعان مەتالدى وتكىزۋى مۇمكىن ارنالار انىقتالۋدا.
ۇقساس جاڭالىقتار
