كولىكتى باسقارىپ كەلە جاتقاندا ۇيالى تەلەفونىن شۇقىلاپ، الەۋمەتتىك جەلىدەگى جاڭالىقتاردى اقتارىپ وتىراتىن جاستاردى كورگەندە تەلەفونمەن سويلەسىپ كەلە جاتقان جۇرگىزۋشىلەردىكى “اينالايىن” ەكەن عوي دەپ قالاسىڭ.
ءبىر جولى الماتىداعى كوپ كەپتەلىستىڭ بىرىندە ايناعا قاراپ ەرنىن بوياپ قانا قويماي، ناۋشنيك ارقىلى بىرەۋلەرمەن ەكپىندەپ سويلەسىپ وتىرعان جۇرگىزۋشى قىزدى (كەلىنشەك تە بولۋى مۇمكىن) كورگەنىم بار. جارايدى، باياۋ ءجۇرىپ كەلە جاتقاندا بويانىپ، تارانىپ ۇلگەرۋگە بولاتىن شىعار، بىراق بۇگىنگى كورىنىس كەزىندەگى كولىك جىلدامدىعىن تاسباقا جۇرىسكە تەڭەۋگە بولماس ەدى.
ەكى ايالدامادانىڭ اراسىنداعى قاشىقتىققا جەتەر-جەتپەس ارالىقتا ءبىر ەمەس، ءۇش جول اپاتىنا كۋا بولدىم. ۇلكەن اپات ەمەس، ارينە ء(سۇزىپ كەتكەن، جىرىپ كەتكەن، قىسىپ قالعان جانە ت.ب) وسىلاردىڭ ءبارى بولماسا دا ءبىرازى تەلەفون شۇقىلاعاننان شىعار ءسىرا. ادامدارى امان ايتەۋىر، شۇكىر دەستىك. ال ولاي بولماسا شە؟
ساقتانىپ جۇرىڭىزدەر، اعايىن!
كەپتەلگەن الماتى.
29.01.2024
سەرىك اباس-شاح
