تۇركياداعى ستامبۋلدىڭ فاتيح اۋدانىندا جارىلىس بولدى، جالىن ءۇش كولىكتى شارپىدى. بۇل تۋرالى تۇركياداعى جەرگىلىكتى باق جاريالادى، دەپ حابارلايدى “ادىرنا” ۇلتتىق پورتالى.
«ستامبۋلدىڭ فاتيح اۋدانىندا بەلگىسىز سەبەپتەرمەن جانىپ باستاعان كولىكتەن تاراعان جالىن تۇراققا قويىلعان وزگە كولىكتەرگە تارادى. بەينەجازبالاردان ءورت كەزىندە كۇركىرەگەن جارىلىستاردىڭ دىبىسى ەستىلدى»، - دەپ جازادى Haberturk پورتالى.
جارىلىستىڭ سەبەبى ازىرگە بەلگىسىز.
ەسكە سالساق، وتكەن اپتادا ستامبۋلدىڭ ورتالىعىنداعى يستيكليال جاياۋ جۇرگىنشىلەر كوشەسىندە جارىلىس بولىپ، التى ادام قازا تاپقان، 81 ادام زارداپ شەككەن بولاتىن.
