قوش بول 4 %. شىرىك "مازدانى" شاندىر جىپپەن بايلاپ، جەڭىلدەتىلگەن اۆتونەسيە باعدارلاماسى اشىلعاندا جاڭا كولىك الامىن دەپ جۇرگەندەردىڭ سوڭعى ءۇمىتى ءۇزىلدى.
بىلتىر ءدال وسى ۋاقىتتا 4 پايىزدىق اۆتونەسيە باعدارلاماسى اشىلىپ، ول 30 جىلعا ارنالادى دەپ اتقامىنەرلەر اۋىزدارىن كوپىرتكەن ەدى. بىراق ءبىر جىلعا جەتپەي توقتادى.
ەندى رەۆولۆەرلىك جۇيەمەن جيناقتالعان اقشا اۆتوبۋس پاركىن جاڭالاۋعا جۇمسالادى دەيدى يندۋستريا ءمينيسترى. مارات قاراباەۆ ايماقتارداعى قوعامدىق كولىكتەر ابدەن توزعان، سوندىقتان 4 پايىزعا ارنالعان اقشانى اۆتوبۋستار ساتىپ الۋعا باعىتتايمىز دەپ ايدى اسپانعا شىعاردى.
قولىنان بوق كەلمەيتىن مينيسترلەر وسىلايشا جاپ-جاقسى مەملەكەتتىك باعدارلامانىڭ بىت-شىتىن شىعاردى. قازىر ەلىمىزدە 4 پايىزدىڭ اشىلعانىن كۇتىپ جۇرگەن 40-50 مىڭ ازامات بار.
يندۋستريا مينيسترلىگى سول قاراپايىم حالىقتىڭ ەمەس جولاۋشىلار تاسىمالىمەن اينالىساتىن ساناۋلى توپتىڭ لوببيىنە بۇيرەگىن بۇردى. سەبەبى كوپتەگەن قالالاردا قوعامدىق كولىكتەر قالالىق اكىمدىككە ەمەس جەكە كومپانيالارعا تيەسىلى. سوندىقتان اۆتوبۋستارىن جاڭارتۋ مەملەكەتتىڭ ەمەس كاسىپكەردىڭ موينىندا بولۋى ءتيىس.
