بۇگىن - ۇلتتىق عىلىم اكادەمياسىنىڭ العاشقى اكادەميكتەرىنىڭ ءبىرى، اسا ءىرى عالىم، سانالى ءومىرىنىڭ ءبارىن ۇرپاق تاربيەلەۋگە ارناعان ۇستاز، ۇستازداردىڭ ۇستازى قاجىم جۇماليەۆتىڭ تۋعان كۇنى.
قاجىم جۇماليەۆ 1932 – 37 جىلدارى اباي اتىنداعى الماتى مەملەكەتتىك ۋنيۆەرسيتەتىندە قازاق ادەبيەتى كافەدراسىنىڭ مەڭگەرۋشىسى، الماتى جوعارى وقۋ ورىندارىندا ۇزاق جىلدار ۇستاز بولعان. «ەرعوجا مەن ەگىزباي» (1929), «شابۋىل» (1933), «قاندى اسۋ» (1934), «ءومىر جىرى» (1938). «قىرداعى كۇرەس» (1957) اتتى ولەڭ-پوەمالار كىتاپتارى جارىق كورگەن. يساتاي-ماحامبەت كوتەرىلىسىنىڭ تاريحىنان جازىلا باستاعان روماننىڭ ۇزىندىلەرى «ايقاس» دەگەن اتپەن باسىلعان (1942). «ءبىرجان-سارا» وپەراسى ليبرەتتوسىنىڭ، «ارباسۋ» ء(ا.سارسەنباەۆپەن بىرگە) اتتى درامالىق شىعارمانىڭ اۆتورى. قازاق زيالى قاۋىمىنىڭ العاشقى بۋىنى تۋرالى «جايساڭ جاندار» (1969) اتتى ەستەلىك جازدى.
30-جىلداردىڭ سوڭعى كەزىنەن باستاپ قازاق فولكلورىن، ادەبيەت تاريحى مەن تەورياسىن زەرتتەۋمەن شۇعىلداندى. ورتا مەكتەپ وقۋلىقتارى كولەمىندە ادەبيەت تاريحىن جۇيەلەۋمەن اينالىسىپ، 8 – 9-سىنىپتار ءۇشىن قازاق ادەبيەتى وقۋلىقتارىن، «ادەبيەت تەورياسىن»، جوعارى وقۋ ورىندارى فيلولوگيا فاكۋلتەتتەرىنە ارنالعان «ءXVىىى-ءXىX عاسىرداعى قازاق ادەبيەتى» وقۋلىعىن جازدى.
ماحامبەت شىعارمالارىن جيناپ، باستىرىپ، اقىن شىعارماشىلىعىنا، قازاق فولكلورى مەن ادەبيەتىنىڭ بايلانىستارىنا، اباي پوەزياسىنا ارنالعان مونوگرافيالىق ەڭبەكتەر جازدى. كوپ تومدىق «قازاق ادەبيەتىنىڭ تاريحىن» جازۋعا قاتىسىپ، 2-تومنىڭ رەداكتسياسىن باسقاردى.
