بۇگىن — جازۋشى، ادەبيەت سىنشىسى، دراماتۋرگ، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى اسقار سۇلەيمەنوۆتىڭ تۋعان كۇنى.
بەلگىلى قالامگەر 1938 جىلى 29 جەلتوقساندا وڭتۇستىك قازاقستان وبلىسى، تۇركىستان اۋدانىنداعى شورناق اۋىلىندا تۋعان. اباي اتىنداعى قازاق پەداگوگيكالىق ينستيتۋتىنىڭ تاريح-فيلولوگيا فاكۋلتەتىن جانە سول ينستيتۋتتىڭ اسپيرانتۋراسىن بىتىرگەن. «جۇلدىز» جۋرنالىندا، «قازاقفيلم» كينوستۋدياسىندا، قازاقستان جازۋشىلار وداعىنىڭ اپپاراتىندا، م.اۋەزوۆ اتىنداعى قازاق اكادەميالىق دراما تەاترىندا، «پاراسات» جۋرنالىندا قىزمەت ىستەگەن.
«بەسىن»، «اداسقاق»، «بەساتار» پروزالىق كىتاپتاردىڭ، ادەبيەت جانە ونەر جايلى جازىلعان كوپتەگەن ماقالالاردىڭ اۆتورى. «ارعىماق پەن شاباندوز»، «قۇلاگەر» كينوستسەناريلەرىن جازدى. «كەك»، «جازۋشىمەن جۇزدەسۋ»، «جەتىنشى پالاتا» درامالارى، «بولمىس پەن بەتپە-بەت»، «كەك» (2001) كىتاپتارى جارىق كوردى. ول ب.برەحتىڭ، ە.شۆارتستىڭ پەسالارىن اۋدارعان. 1996 جىلى «سيتۋاتسيالار» تريپتيحى ءۇشىن قازاقستان رەسپۋبليكاسىنىڭ مەملەكەتتىك سىيلىعى بەرىلدى. جازۋشى تۋرالى «پاراسات پاديشاسى» اتتى كىتاپ شىقتى. سوزاق جانە سارىاعاش اۋداندارىندا مەكتەپتەرگە ول كىسىنىڭ ەسىمى بەرىلگەن.
