بەلگىلى عالىم، پروفەسسور ەدىگە زاكارين ومىردەن ءوتتى. قارالى حاباردى يونوسفەرا ينستيتۋتىنىڭ ۇجىمى جەتكىزدى، دەپ حابارلايدى «ادىرنا» ءتىلشىسى.
«2 ماۋسىمدا 87 جاسقا قاراعان شاعىندا ۇزاققا سوزىلعان سىرقاتتان كەيىن ينستيتۋت قىزمەتكەرى، تەحنيكا عىلىمدارىنىڭ دوكتورى، پروفەسسور زاكارين ەدىگە اسقارۇلىنىڭ دۇنيەدەن وزعانىن تەرەڭ قايعىرا وتىرىپ حابارلايمىز. ول – ءال-فارابي اتىنداعى قازاقستان رەسپۋبليكاسىنىڭ عىلىم جانە تەحنيكا سالاسىنداعى مەملەكەتتىك سىيلىعىنىڭ لاۋرەاتى، قر ۇعا عارىشتىق زەرتتەۋلەر ينستيتۋتىنىڭ نەگىزىن قالاۋشىلاردىڭ ءبىرى. ونىڭ كوپجىلدىق عىلىمي جانە پەداگوگيكالىق قىزمەتى وتاندىق عىلىمنىڭ دامۋىنا زور ۇلەس قوستى»،–دەپ جازدى ينستيتۋت اكىمشىلىگى.
زاكاريننىڭ جەتەكشىلىگىمەن گەوينفورماتيكا جانە جەردى قاشىقتىقتان زوندتاۋ سالاسىندا عىلىمي مەكتەپ قالىپتاستى. ەدىگە اسقارۇلى قازاقستانداعى جاڭا عىلىمي باعىت – گەواقپاراتتىق مودەلدەۋدىڭ قالىپتاسۋى مەن دامۋىنا ەلەۋلى ۇلەس قوستى.
«زاكارين ەدىگە اسقارۇلىمەن قوشتاسۋ ءراسىمى 2026 جىلعى 4 ماۋسىم كۇنى ساعات 10:00-دە الماتى قالاسى، قالقامان ىقشام اۋدانى، 4ا ك2 مەكەنجايىندا (№1 قالالىق كلينيكالىق اۋرۋحانانىڭ قارسى بەتىندە) وتەدى»،– دەلىنگەن حابارلامادا.
