بۇگىن – ادەبيەت زەرتتەۋشىسى، پروفەسسور حانعالي سۇيىنشاليەۆتىڭ (1918-2006) تۋعانىنا 105 جىل تولدى.
حانعالي سۇيىنشاليەۆ – كورنەكتى عالىم، ۇلاعاتتى ۇستاز، فيلولوگيا عىلىمىنىڭ دوكتورى، پروفەسسور، قازاق ادەبيەتى تاريحىن زەرتتەۋشى. ول ەلۋدەن استام كىتاپ شىعارىپ، ءتورت جۇزگە تارتا عىلىمي ماقالا جاريالاعان.
زەرتتەۋشى 1943 جىلى ورال پەداگوگيكا ينستيتۋتىن ءبىتىرىپ، كەيىننەن ۇلى وتان سوعىسىنا قاتىسقان.1943-1953 جىلى ورال پەداگوگيكا ينستيتۋتىندا اعا وقىتۋشى، كافەدرا مەڭگەرۋشىسى بولىپ قىزمەت اتقارعان. 1953 جىلدان باستاپ قازمۋ-دە وقىتۋشى، دوتسەنت، پروفەسسور. عىلىمي-زەرتتەۋشىلىك ەڭبەكتەرىن قازاق ادەبيەتى تاريحى مەن تەورياسىنا ارناپ، سونداي-اق اباي سوزدەرىنەن كانديداتتىق قورعاعان. زەرتتەلەرىنىڭ ناتيجەسىندە اكىمشىل-ءامىرشىل جۇيەنىڭ كەرەعار پىكىرلەرىنە قارسى كۇرەسە ءجۇرىپ، قازاق ادەبيەتتانۋ عىلىمىنىڭ كەرەگەسىن كەڭەيتتى، ادەبيەت تاريحىن جاڭا بيىك ساتىعا كوتەردى.«قازاق ادەبيەتىنىڭ تاريحى»، «اباي قۇنانبايۇلىنىڭ پروزاسى» سىندى تانىمال عىلىمي ەڭبەكتەر مەن جوعارى وقۋ ورىندارىنا ارنالعان بىرنەشە وقۋلىقتاردىڭ اۆتورى.
«ادىرنا» ۇلتتىق پورتالى
