قىزىلوردادا قۇتقارۋشىلار كارىز قۇدىعىنا قۇلاپ كەتكەن 8 جاسار بالانى ىزدەستىرىپ جاتىر، دەپ حابارلايدى «ادىرنا» ۇلتتىق پورتالى.
وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنىڭ حابارلاۋىنشا، وقيعا بۇگىن، 25 قاراشادا بولعان.
«25 قاراشا كۇنى ساعات 13:24-تە قىزىلوردا وبلىسىنىڭ توتەنشە جاعدايلار دەپارتامەنتىنە وبلىس ورتالىعىنداعى №5 ەمحانانىڭ ماڭىنداعى بالقى بازار كوشەسىندەگى ورتالىق كارىز قۇدىعىنا ابايسىزدا 8 جاسار بالانىڭ قۇلاپ كەتكەنى تۋرالى حابارلاما كەلىپ ءتۇستى»، - دەلىنگەن حابارلامادا.
قازىر ىزدەستىرۋ-قۇتقارۋ جۇمىستارى ءجۇرىپ جاتىر.
«وبلىس تۇرعىندارىنان بالالاردى قاراۋسىز قالدىرماۋدى، كوشەدە جانە ۇيدە قاۋىپسىزدىك ەرەجەلەرىن ەستەن شىعارماۋدى سۇرايمىز»، - دەپ تولىقتىردى تجد.
«ادىرنا» ۇلتتىق پورتالى