الماتىداعى ءورت سالدارىنان ءتورت ادام اۋرۋحاناعا جاتقىزىلدى، دەپ حابارلايدى “ادىرنا” ۇلتتىق پورتالى دەنساۋلىق ساقتاۋ باسقارماسىنىڭ ءباسپاسوز قىزمەتىنە سىلتەپ.
«ءورت سالدارىنان ءتورت ناۋقاس قالالىق اۋرۋحانالارعا جەتكىزىلدى»، - دەلىنگەن حابارلامادا.
بارلىق قاجەتتى تەكسەرۋلەردەن كەيىن ۇشەۋى امبۋلاتورلىق ەمدەۋگە جىبەرىلدى.
«بىرەۋى اۋرۋحاناعا جاتقىزىلدى، جاعدايى اۋىر. ناۋقاسقا قاجەتتى مەديتسينالىق كومەك تولىق كولەمدە كورسەتىلۋدە»، - دەپ حابارلادى دەنساۋلىق ساقتاۋ باسقارماسىنان.
ەسكە سالا كەتەيىك، بۇعان دەيىن الماتىداعى ءورت كەزىندە 23 ادام قاۋىپسىز جەرگە ەۆاكۋاتسيالانعانىن جازعان بولاتىنبىز.
ۇقساس جاڭالىقتار
