قىزىلوردا وبلىسىنىڭ اكىمى مۇرات ەرگەشباەۆ «تازا قازاقستان» رەسپۋبليكالىق ەكولوگيالىق اكتسياسى اياسىندا قورقىت اتا اللەياسىندا سەنبىلىككە اتسالىسىپ جاتقان «جاسىل ەل» ەڭبەك جاساقتارىنىڭ ساربازدارىمەن كەزدەستى.
ايماق باسشىسى تابيعاتتى قورعاۋ، قورشاعان ورتانى تازا ۇستاۋ وركەنيەتتى قوعامنىڭ باستى قۇندىلىعى ەكەنىن اتاپ ءوتتى.
«پرەزيدەنتىمىز قاسىم-جومارت كەمەلۇلىنىڭ باستاماسىمەن جۇزەگە اسىرىلىپ جاتقان «تازا قازاقستان» جالپىۇلتتىق ەكولوگيالىق اكتسياسى اياسىندا وڭىرىمىزدە اۋقىمدى جۇمىس اتقارىلۋدا.
شىلدە ايىنىڭ باسىندا كۇشىنە ەنگەن حالىقتىق كونستيتۋتسيادا تابيعاتتى قورعاۋ، قورشاعان ورتاعا ۇقىپتى قاراۋ قاعيداتى العاش رەت زاڭ دەڭگەيىندە بەكىتىلدى. ەندىگى جەردە قورشاعان ورتاعا جاناشىرلىق تانىتۋ – ءاربىر ازاماتتىڭ كونستيتۋتسيالىق پارىزى.
قىزىلوردا قالاسىنداعى ورتالىق الاڭ، قالالىق مادەني-دەمالىس پاركى، پرەزيدەنت ساياباعى، بۇگىنگى سەنبىلىك ءوتىپ جاتقان قورقىت اتا ساياباعىنىڭ جاڭاشا كەلبەتكە ەنۋى – ءوڭىرىمىزدىڭ الەۋمەتتىك ينفراقۇرىلىمىن جاڭعىرتۋعا باعىتتالعان جۇيەلى ساياساتتىڭ جەمىسى.
وسىنداي يگى ىستەردىڭ بەل ورتاسىندا ءاردايىم «جاسىل ەل» ەڭبەك جاساعىنىڭ ساربازدارى جۇرەدى. «جاسىل ەل» – ماۋسىمدىق جۇمىس ەمەس، جاستاردى ەڭبەككە باۋليتىن، ەلجاندىلىققا تاربيەلەيتىن، قوعامدىق جاۋاپكەرشىلىكتى قالىپتاستىراتىن ۇلكەن ازاماتتىق مەكتەپ. بۇل جوبا ارقىلى مىڭداعان جاس العاشقى ەڭبەك تاجىريبەسىن جيناقتاپ، تۋعان جەردىڭ دامۋىنا سۇبەلى ۇلەسىن قوسىپ كەلەدى.
بيىل جوباعا 21 جىل تولدى. وسى ۋاقىت ىشىندە «جاسىل ەل» ءوز تيىمدىلىگىن دالەلدەپ، جاستار ساياساتىنىڭ ەڭ تابىستى جوبالارىنىڭ بىرىنە اينالدى. تۋعان ولكەمىزدىڭ تازالىعى مەن كوركەيۋى جولىندا ايانباي ەڭبەك ەتىپ جۇرگەن بارشاڭىزعا شىنايى ريزاشىلىعىمدى بىلدىرەمىن!»، - دەدى مۇرات نالقوجاۇلى.
سەنبىلىكتە ايماق باسشىسى جاستارمەن ەكولوگيالىق مادەنيەتتى قالىپتاستىرۋ جونىندە ەركىن پىكىر الماستى.
ايتا كەتەيىك، وتكەن جىلى «جاسىل ەل» ەڭبەك جاساعىنىڭ قاتىسۋىمەن 118 ساياباق، سكۆەر، اللەيا جانە قوعامدىق دەمالىس ورىندارى كوگالداندىرىلىپ، 12 گەكتار اۋماق تۇرمىستىق قالدىقتان تازارتىلدى.
بيىل دا 1200-دەن استام جاس وسى يگى ىسكە اتسالىسىپ، ءوڭىردىڭ تازالىعى مەن كوركەيۋىنە ءوز ۇلەسىن قوسۋدا.
جاساق ساربازدارى ارنايى كيىمدەرمەن، قۇرال-جابدىقتارمەن قامتىلعان.
سونىمەن قاتار، بۇگىن وبلىس اكىمى «كبي» ، «بايتەرەك» شاعىن اۋداندارى مەن جاپپاسباي باتىر كوشەسىندەگى تازالىق، اباتتاندىرۋ جانە بالالار ويىن الاڭدارىنىڭ جاعدايىن، ساعىمباەۆ كوشەسىن قايتا جاڭعىرتۋ جۇمىستارىن كورىپ، جاۋاپتى سالا باسشىلارىنا ناقتى تاپسىرمالار جۇكتەدى.
