Qyzylordada qutqarýshylar káriz qudyǵyna qulap ketken 8 jasar balany izdestirip jatyr, dep habarlaıdy «Adyrna» ulttyq portaly.
Oblystyq tótenshe jaǵdaılar departamentiniń baspasóz qyzmetiniń habarlaýynsha, oqıǵa búgin, 25 qarashada bolǵan.
«25 qarasha kúni saǵat 13:24-te Qyzylorda oblysynyń Tótenshe jaǵdaılar departamentine oblys ortalyǵyndaǵy №5 emhananyń mańyndaǵy Balqy bazar kóshesindegi ortalyq káriz qudyǵyna abaısyzda 8 jasar balanyń qulap ketkeni týraly habarlama kelip tústi», - delingen habarlamada.
Qazir izdestirý-qutqarý jumystary júrip jatyr.
«Oblys turǵyndarynan balalardy qaraýsyz qaldyrmaýdy, kóshede jáne úıde qaýipsizdik erejelerin esten shyǵarmaýdy suraımyz», - dep tolyqtyrdy TJD.
«Adyrna» ulttyq portaly
