ەلىمىزدە ا گەپاتيتى مەن قىزىلشا اۋرۋى ءورشىپ تۇر، دەپ حابارلايدى "ادىرنا" ءتىلشىسى.
بۇل تۋرالى دەنساۋلىق ساقتاۋ ءمينيسترىنىڭ ورىنباسارى – باس مەملەكەتتىك سانيتارلىق دارىگەرى ايجان ەسماعامبەتوۆا تامارا دۇيسەنوۆانىڭ توراعالىعىمەن وتكەن جيىن بارىسىندا باياندادى.
دارىگەردىڭ مالىمدەۋىنشە، بۇگىندە ەلدە ا گەپاتيتى مەن قىزىلشا اۋرۋىنىڭ كوبەيۋى الاڭداتۋشىلىق تۋعىزىپ وتىر. اۋرۋ جۇقتىرعانداردىڭ كوبى ءتيىستى ۆاكتسينا سالدىرماعاندار ەكەن.
قىزىلشامەن اۋرۋ فاكتىسى ەلىمىزدىڭ بارلىق ايماعىندا تىركەلسە، جۇقتىرعاندار سانى بويىنشا شىمكەنت پەن الماتى قالالارى كوشتىڭ باسىندا تۇر.
"وسى رەتتە جەرگىلىكتى اتقارۋشى ورگاندار، سونداي-اق استانا، الماتى جانە شىمكەنت قالالارىندا قىزىلشاعا قارسى قوسىمشا جاپپاي ەكپە سالۋ ناۋقانىنا دايىندىق شارالارىن قولعا العان ءجون", - دەدى ايجان ەسماعامبەتوۆا.
