اكەلەر وداعى قازاقستاندا ەنەرگەتيكالىق سۋسىنداردى تولىقتاي تىيۋدى ۇسىندى

49
Adyrna.kz Telegram
https://adyrna.kz/storage/uploads/atTbmlt3RzorHceiFmPEhMyUhLovkbHXfCXABLLu.webp

ەنەرگەتيكالىق سۋسىندار بۇگىندە كوپتەگەن قازاقستاندىقتاردىڭ كۇندەلىكتى ءومىرىنىڭ ءبىر بولىگىنە اينالدى. ونى وقۋشىلار، ستۋدەنتتەر، جۇرگىزۋشىلەر، كەڭسە قىزمەتكەرلەرى جانە باسقا دا ماماندىق يەلەرى شارشاۋ، ۇيقىنىڭ قانباۋى مەن جوعارى جۇمىس جۇكتەمەسىن ەڭسەرۋ ماقساتىندا تۇتىنادى. الايدا قىسقا ۋاقىتقا سەرگەكتىك سىيلايتىن مۇنداي سۋسىنداردىڭ ارتىندا دەنساۋلىققا تونەتىن قاۋىپتەر بولۋى مۇمكىن. بۇل ماسەلە قوعام مەن مەملەكەت تاراپىنان ەرەكشە نازار اۋدارۋدى تالاپ ەتەدى.

«اكەلەر وداعى» رەسپۋبليكالىق قوعامدىق بىرلەستىگى قازاقستاندا ەنەرگەتيكالىق سۋسىنداردى وندىرۋگە، كوممەرتسيالىق ماقساتتا ەلگە اكەلۋگە، كوتەرمە جانە بولشەك ساۋدادا ساتۋعا تولىق تىيىم سالۋ تۋرالى باستاما كوتەردى. ۇسىنىس ينتەرنەت ارقىلى ساتۋ مەن جەتكىزۋ قىزمەتتەرىن دە قامتيدى.

قوعامدىق بىرلەستىك وكىلدەرىنىڭ پىكىرىنشە، قولدانىستاعى شەكتەۋلەر ماسەلەنى تولىق شەشۋگە قاۋقارسىز. 2025 جىلعى 1 قاڭتاردان باستاپ قازاقستاندا ەنەرگەتيكالىق سۋسىنداردى 21 جاسقا تولماعان ازاماتتارعا ساتۋعا تىيىم سالىندى. ال 2026 جىلدان باستاپ بۇل ونىمدەرگە اكتسيز سالىعى ەنگىزىلدى. اتالعان شارالار نارىقتى رەتتەۋ باعىتىنداعى بەلگىلى ءبىر قادام بولعانىمەن، ەرەسەك تۇتىنۋشىلاردىڭ دەنساۋلىعىنا ەنەرگەتيكالىق سۋسىنداردىڭ ىقتيمال كەرى اسەرىن تولىقتاي جويمايدى.

ء«بىزدى ەنەرگەتيكالىق سۋسىنداردى تۇراقتى تۇتىنۋدىڭ ۇزاق مەرزىمدى سالدارى قاتتى الاڭداتادى. اڭگىمە بەدەۋلىك، قاتەرلى ىسىك، جاس كەزدە ينفاركت الۋ جانە ءومىر ءسۇرۋ ۇزاقتىعىنىڭ قىسقارۋ قاۋپى تۋرالى بولىپ وتىر»، – دەلىنگەن «اكەلەر وداعى» رەسپۋبليكالىق قوعامدىق بىرلەستىگى توراعاسىنىڭ ورىنباسارى كۇزەمباي بەكدايىر نىعمەتۇلىنىڭ بەينەۇندەۋىندە.

پىكىرلەر