فوتو: Polisia.kz
جامبىل وبلىسىندا 16 باس جىلقىنى ۇرلادى دەگەن كۇدىكپەن 44 جاستاعى ەر ادام ۇستالدى، دەپ حابارلايدى "ادىرنا".
تەرگەۋ دەرەگىنشە، ول ۇرلانعان مالدىڭ جەتەۋىن سويىپ، ەتىن ساتىپ جىبەرگەن. مال يەسىنە 24 ميلليون تەڭگە كولەمىندە ماتەريالدىق شىعىن كەلتىرىلگەن.
وقيعا تۇرار رىسقۇلوۆ اۋدانىنداعى قۇمدى القاپتا ورنالاسقان جايىلىمدا بولعان. كۇدىكتى قاراۋسىز جۇرگەن جىلقىلاردى بايقاپ، ولاردى ۇرلاۋدى جوسپارلاعان. ول وزىنە تيەسىلى ايعىرعا ءمىنىپ، جىلقىلاردى ۇيىرىمەن بىرگە ايداپ اكەتكەن.
كەيىن كۇدىكتىنىڭ ۇرلانعان 16 جىلقىنىڭ جەتەۋىن سويىپ، ەتىن ساتىپ جىبەرگەنى انىقتالعان.
قازىرگى ۋاقىتتا ەر ادام ۇستالىپ، ۋاقىتشا ۇستاۋ يزولياتورىنا قامالدى. اتالعان دەرەك بويىنشا اسا ءىرى مولشەردە مال ۇرلاۋ بابىمەن سوتقا دەيىنگى تەرگەپ-تەكسەرۋ جۇرگىزىلىپ جاتىر.
پوليتسيا وكىلدەرى مال يەلەرىن ءتورت تۇلىكتى قاراۋسىز قالدىرماي، ولاردىڭ قاۋىپسىزدىگىن قامتاماسىز ەتۋگە شاقىردى.
