10 كۇن ىشىندەگى ەكى قازا. مينيسترلىكتىڭ وقۋ ورنىن تەكسەرەتىنى حابارلاندى

93
Adyrna.kz Telegram
https://adyrna.kz/storage/uploads/779GDSoiTIrKCvtdvD9W39qm2xwYFtFgm9YiFuDu.webp

عىلىم جانە جوعارى ءبىلىم مينيسترلىگى ءبىر اي ىشىندە ەكى ءبىرىنشى كۋرس ستۋدەنتى كوز جۇمعاننان كەيىن ءال-فارابي اتىنداعى قازاق ۇلتتىق ۋنيۆەرسيتەتىندە كەشەندى تەكسەرۋ جۇرگىزەدى، دەپ حابارلايدى "ادىرنا". 

مينيسترلىكتىڭ مالىمەتىنشە، ۋنيۆەرسيتەتكە ارنايى مونيتورينگ توبى جىبەرىلەدى. ماماندار وقۋ ورنىنداعى قاۋىپسىزدىك تالاپتارىنىڭ ساقتالۋىن، ستۋدەنتتەرمەن جۇرگىزىلەتىن تاربيە جانە پسيحولوگيالىق جۇمىستاردىڭ جاي-كۇيىن تەكسەرەدى. تەكسەرۋ بارىسىندا ستۋدەنتتەر اراسىنداعى جانجالداردى انىقتاۋ جانە الدىن الۋ تەتىكتەرىنە، ولاردىڭ وتىنىشتەرىنە ۋاقىتىلى جاۋاپ بەرۋگە، سونداي-اق پسيحولوگيالىق كومەك كورسەتۋ ماسەلەلەرىنە باسىمدىق بەرىلەدى.

سونىمەن قاتار عىلىم جانە جوعارى ءبىلىم مينيسترلىگى الماتى قالاسىنىڭ جاستار ساياساتى باسقارماسىمەن بىرلەسىپ ارنايى جۇمىس توبىن قۇردى. ونىڭ قۇرامىنا پروكۋراتۋرا، پوليتسيا، بالالاردىڭ قۇقىقتارىن قورعاۋ باسقارماسىنىڭ وكىلدەرى، پسيحولوگتار مەن قوعام بەلسەندىلەرى كىردى. جۇمىس توبى الماتىداعى ستۋدەنتتەر جاتاقحانالارىن ارالاپ، ءبىلىم الۋشىلارمەن كەزدەسەدى جانە ءتۇسىندىرۋ، پروفيلاكتيكالىق شارالارىن وتكىزەدى.

تەكسەرۋ قورىتىندىسى بويىنشا ستۋدەنتتەردىڭ قاۋىپسىزدىگىن كۇشەيتۋ جانە ءبىلىم الۋشىلار اراسىنداعى قاقتىعىستاردىڭ الدىن الۋ جونىندە قوسىمشا شارالار ازىرلەنەدى.

بۇعان دەيىن 6 قاراشا مەن 16 قاراشادا قازۇۋ-دىڭ ءبىرىنشى كۋرس ستۋدەنتتەرىنىڭ قازا تاپقانى بەلگىلى بولدى.

پىكىرلەر