نازارباەۆ ۋنيۆەرسيتەتىندە قىزىلشا دەرتى ءورشىپ كەتتى، كەيبىر ستۋدەنتتەر ونلاين وقىتۋعا جىبەرىلدى، دەپ حابارلايدى “ادىرنا” ۇلتتىق پورتالى قازتاگ-قا سىلتەپ.
استاناداعى نازارباەۆ ۋنيۆەرسيتەتىندە ستۋدەنتتەر قىزىلشامەن اۋىردى، اۋرۋعا شالدىققاندار نەمەسە ولارمەن بايلانىستا بولعاندار ونلاين وقۋدا. ستۋدەنتتەر قاشىقتان وقىتۋعا 40-تان استام وقۋشىسى بار توپتار دا جىبەرىلەتىنىن ايتادى.
ەستەرىڭىزگە سالا كەتەيىك، قازاقستاندا 2023 جىلدىڭ باسىنان بەرى قىزىلشانى جۇقتىرۋدىڭ 13 مىڭنان استام جاعدايى تىركەلگەن. دەڭگەيىنىڭ جوعارىلاۋى شىمكەنت، الماتى، جامبىل، الماتى جانە اتىراۋ وبلىستارىندا بايقالادى.
استانادا 6 مەن 10 ايلىق بالالار جاپپاي قىزىلشاعا قارسى قوسىمشا ەكپە الا باستادى. 10 قاراشاداعى جاعداي بويىنشا قىزىلشا دياگنوزى 580 ناۋقاستا راستالدى، ونىڭ ىشىندە ەرەسەكتەر اراسىندا 98 جاعداي، بۇل 16,9%، ال 15-19 جاس ارالىعىنداعى جاسوسپىرىمدەر اراسىندا — 35 جاعداي نەمەسە 6%.
