مادەنيەت جانە اقپارات مينيسترلىگى ۋاكىلەتتى مەملەكەتتىك ورگاندارمەن بىرلەسىپ، قاراعاندى وبلىسىنداعى ي.كوستەنكو اتىنداعى شاحتاداعى جاعدايعا بايلانىستى اۋقىمدى جانە ۋاقىتىلى ءتۇسىندىرۋ جۇمىستارىن جۇرگىزۋدە، دەپ حابارلايدى «ادىرنا» ۇلتتىق پورتالى.
مينيسترلىكتىڭ ءباسپاسوز مالىمەتىنشە، بۇقارالىق اقپارات قۇرالدارى ارقىلى حالىق نازارىنا شۇعىل قۇتقارۋ جۇمىستارىن جۇرگىزۋ، سونداي-اق مەملەكەتتىك ورگاندار قابىلداعان بارلىق شارالار تۋرالى اقپارات دەر كەزىندە جەتكىزىلۋدە.
سونىمەن قاتار جاقىن ارادا وڭىرلىك كوممۋنيكاتسيالار قىزمەتىنىڭ الاڭىندا ۋاكىلەتتى مەملەكەتتىك ورگاندار مەن ءتيىستى قىزمەتكەرلەردىڭ قاتىسۋىمەن باق وكىلدەرىنە ارنالعان بريفينگ وتەتىنىن حابارلايمىز.
سونىمەن قاتار مينيسترلىك ۋاكىلەتتى ورگان رەتىندە ۇلتتىق ازا تۇتۋ كۇنىندە مەملەكەتتىك ورگانداردىڭ ينتەرنەت-رەسۋرستارى مەن
باق-قا ولاردىڭ قىزمەتى جانە ۆەب-سايتتارىن بەزەندىرۋ ەرەجەلەرى تۋرالى ۇسىنىم جولدادى.
وسىعان بايلانىستى مينيسترلىك باق باسشىلارىن، تەلەراديو حابارلارىن تاراتۋ وپەراتورلارىن، مەملەكەتتىك ورگاندار مەن ۇيىمداردى ۇلتتىق ازا تۇتۋ كۇنى اتالعان ۇسىنىمداردى ۇستانۋعا، سونداي-اق قازاقستان رەسپۋبليكاسىنىڭ زاڭناماسىندا كوزدەلگەن شەكتەۋلەردى ساقتاۋعا شاقىرادى.
«اقپاراتتى دايىنداعان كەزدە جاۋاپكەرشىلىككە تارتىلماۋ ءۇشىن سەنىمدى دەرەككوزدەرگە سەنۋگە جانە جالعان اقپاراتتىڭ تارالۋىنا جول بەرمەۋگە شاقىرامىز»، - دەلىنگەن حابارلامادا.
«ادىرنا» ۇلتتىق پورتالى
