"ArcelorMittal" بولعان اپاتتى جاعدايعا بايلانىستى مالىمدەمە جاسادى، دەپ حابارلايدى «ادىرنا» ۇلتتىق پورتالى.
"بۇگىن تاڭەرتەڭ كوستەنكو شاحتاسىندا بولعان اپات تۋرالى حاباردان كەيىن «ارسەلورميتتال تەمىرتاۋ» قىزمەتكەرلەرىنىڭ باستان كەشكەن مۇڭى مەن قايعىسىن سوزبەن جەتكىزۋ مۇمكىن ەمەس. بۇل – ارىپتەستەردىڭ وتباسى ءۇشىن، ءبارىمىز ءۇشىن ۇلكەن قايعى. شاحتادا قۇتقارۋ جۇمىستارى جالعاسۋدا، 24 شاحتەر ءالى تابىلعان جوق، 22-ءىنىڭ قازا تاپقانى راستالدى. جاقىندارىنان ايىرىلعانداردىڭ وتباسىلارىنا شىن جۇرەكتەن كوڭىل ايتامىز. بارلىق زارداپ شەككەن قىزمەتكەرلەر كەشەندى كۇتىم مەن وڭالتۋ كومەگىن الادى. ءبىزدىڭ كۇش-جىگەرىمىز ءدال وسىعان، سونداي-اق مەملەكەتتىك ورگاندارمەن تىعىز ىنتىماقتاستىققا باعىتتالعان", - دەلىنگەن ءباسپاسوز حابارلاماسىندا.
سونداي-اق بۇگىن قازاقستان ۇكىمەتى حابارلاعانداي، ەكى تاراپ «ارسەلورميتتال تەمىرتاۋ» كومپانياسىنىڭ بولاشاعىنا قاتىستى كەلىسسوزدەر جۇرگىزگەنىن جانە جاقىندا قازاقستان رەسپۋبليكاسىنا مەنشىك قۇقىعىن بەرەتىن مامىلە بويىنشا الدىن الا كەلىسىمگە قول قويعانىن راستايتىنىن جەتكىزدى.
"ArcelorMittal" مۇمكىندىگىنشە كەدەرگىلەردى بارىنشا ازايتۋ ءۇشىن وسى ترانزاكتسيانى مۇمكىندىگىنشە تەزىرەك اياقتاۋعا مىندەتتەنەدى. ەكى تاراپ تا بولات زاۋىتىندا، تەمىر جانە كومىر كەنىشتەرىندە جۇمىس ىستەيتىن ادامداردىڭ، سونداي-اق وپەراتسيالاردى قولدايتىن قاۋىمداستىقتىڭ مۇددەلەرىنە ساي كەلەتىن ناتيجەگە قاتتى كوڭىل بولەدى. قاجەت بولعان جاعدايدا قوسىمشا مالىمدەمەلەر جاسالادى", - دەپ اتاپ ءوتتى كومپانيا باسشىلىعى.
«ادىرنا» ۇلتتىق پورتالى.
