Mádenıet jáne aqparat mınıstrligi ýákiletti memlekettik organdarmen birlesip, Qaraǵandy oblysyndaǵy I.Kostenko atyndaǵy shahtadaǵy jaǵdaıǵa baılanysty aýqymdy jáne ýaqytyly túsindirý jumystaryn júrgizýde, dep habarlaıdy «Adyrna» ulttyq portaly.
Mınıstrliktiń baspasóz málimetinshe, buqaralyq aqparat quraldary arqyly halyq nazaryna shuǵyl qutqarý jumystaryn júrgizý, sondaı-aq memlekettik organdar qabyldaǵan barlyq sharalar týraly aqparat der kezinde jetkizilýde.
Sonymen qatar jaqyn arada óńirlik kommýnıkaııalar qyzmetiniń alańynda ýákiletti memlekettik organdar men tıisti qyzmetkerlerdiń qatysýymen BAQ ókilderine arnalǵan brıfıng ótetinin habarlaımyz.
Sonymen qatar Mınıstrlik ýákiletti organ retinde Ulttyq aza tutý kúninde memlekettik organdardyń ınternet-resýrstary men
BAQ-qa olardyń qyzmeti jáne veb-saıttaryn bezendirý erejeleri týraly Usynym joldady.
Osyǵan baılanysty Mınıstrlik BAQ basshylaryn, teleradıo habarlaryn taratý operatorlaryn, memlekettik organdar men uıymdardy Ulttyq aza tutý kúni atalǵan Usynymdardy ustanýǵa, sondaı-aq Qazaqstan Respýblıkasynyń zańnamasynda kózdelgen shekteýlerdi saqtaýǵa shaqyrady.
«Aqparatty daıyndaǵan kezde jaýapkershilikke tartylmaý úshin senimdi derekkózderge senýge jáne jalǵan aqparattyń taralýyna jol bermeýge shaqyramyz», - delingen habarlamada.
«Adyrna» ulttyq portaly
