رەسەي پرەزيدەنتى ۆلاديمير پۋتين ۋكراينامەن ارادا بولىپ جاتقان سوعىسقا قاتىستى شۇعىل مالىمدەمە جاسادى، دەپ حابارلايدى “ادىرنا” ۇلتتىش پورتالى،
ول “قاقتىعىس” عالامدىق سيپاتقا يە بولعانىن ايتتى.
ونىڭ سوزىنشە، رەسەي كۇشتەرى بۇعان جاۋاپ رەتىندە سوققى بەرگەن، ونىڭ ىشىندە تاجىريبەلىك قارۋ قولدانىلعان. رف “ورەشنيك” يادرولىق ەمەس گيپەردىبىستىق بالليستيكالىق زىمىرانمەن وڭتۇستىك ماشينا جاساۋ زاۋىتىنا جانە ۋكراينانىڭ قورعانىس-ونەركاسىپتىك كەشەنىنىڭ نىسانىنا بىرىكتىرىلگەن سوققى جاساعان.
پۋتين رەسەي ەسكالاتسياعا جاۋاپ بەرەتىنىن جانە ءوزىنىڭ نىساندارىنا شەتەلدىك قارۋدى قولدانۋعا رۇقسات بەرگەن ەلدەردىڭ نىساندارىنا قارۋ قولدانۋعا قۇقىعى بار دەپ ەسەپتەيتىنىن اتاپ ءوتتى.
ەسكە سالايىق، توقاەۆ پرەمەر-مينيسترگە، پرەزيدەنت اكىمشىلىگىنىڭ باسشىسىنا جانە كۇشتىك قۇرىلىمداردىڭ جەتەكشىلەرى مەن بارلىق اكىمدەرگە ۋكراينا توڭىرەگىندەگى جاعدايدىڭ ۋشىعۋىنا بايلانىستى نەگىزگى اسكەري جانە ازاماتتىق نىسانداردىڭ قاۋىپسىزدىگىن قامتاماسىز ەتۋ جونىندە شۇعىل شارالار قابىلداۋدى تاپسىرعان ەدى.
