باس پروكۋراتۋرا «ۋرالسكايا نەدەليا» گازەتىنىڭ باس رەداكتورى تامارا ەسلياموۆانىڭ رەفەرەندۋم بويىنشا ساۋالناما جۇرگىزۋ ىسىنە قاتىستى تاعىلعان ايىپتارىن جوققا شىعاردى. بۇل تۋرالى بقو پروكۋراتۋراسىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«2024 جىلعى 3 قازانداعى «PROTENGE» جانە «ۋرالسكايا نەدەليا» اقپاراتتىق باسىلىمدارىندا گازەتتىڭ باس رەداكتورى ت.ەسلاموۆانىڭ ءوزى جانە «جۋرناليستىك باستاما» جشس-ءى كاسىبي جۋرناليستىك قىزمەتتى جۇزەگە اسىرعانى ءۇشىن (ازاماتتارمەن قاراپايىم سۇحبات) قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 112 جانە 129-باپتارى بويىنشا اكىمشىلىك جاۋاپكەرشىلىككە تارتىلدى” دەلىنگەن ماقالالار جاريالاندى. ال، بۇل اقپارات شىندىققا جاناسپايدى»، - دەلىنگەن جۇما كۇنى حابارلامادا.
پروكۋراتۋرا زاڭعا سايكەس، 30 قىركۇيەكتە «ۋرالسكايا نەدەليا» باسىلىمىندا جاريالانعان ماتەريال بويىنشا، قوعامدىق پىكىرگە ساۋالنامانى كەمىندە بەس جىل تاجىريبەسى بار زاڭدى تۇلعالار عانا جۇرگىزە الادى، ال بۇل بايقالماعانىن ايتتى.
سونداي-اق، پروكۋراتۋرانىڭ حابارلاۋىنشا، جشس رەفەرەندۋم وتكىزۋ تۋرالى ورتالىق رەفەرەندۋم كوميسسياسىنا زاڭ تالابىنا سايكەس حابارلاماعان.
ناتيجەسىندە 3 قازاندا سوت «جۋرناليستىك باستاما» جشس-نى زاڭدى بۇزعانى ءۇشىن كىنالى دەپ تاۋىپ، 30 اەك (110,7 مىڭ تەڭگە) كولەمىندە ايىپپۇل سالدى.
بۇعان دەيىن «ۋرالسكايا نەدەليا» باسىلىمىنىڭ باس رەداكتورى تامارا ەسلياموۆانىڭ قازاقستانداعى اتوم ەلەكتر ستانتسيالارى تاقىرىبى بويىنشا ءوتىپ بارا جاتقان ادامداردان سۇحبات العانى ءۇشىن سوتقا تارتىلعان بولاتىن. كەيىنىرەك «ۋرالسكايا نەدەليانىڭ» باس رەداكتورى تامارا ەسلياموۆانىڭ ىسىنە قاتىستى اكىمشىلىك حاتتامانىڭ «قاتە» جاسالعانى حابارلاندى. ودان كەيىن «ۋرالسكايا نەدەليا» گازەتىنە قازاقستانداعى اتوم ەلەكتر ستانتسيالارى تۋرالى تاقىرىپتا ءوتىپ بارا جاتقانداردان سۇحبات العانى ءۇشىن ايىپپۇل سالىنعانى بەلگىلى بولدى.
