قر سىرتقى ىستەر ءمينيسترىنىڭ ورىنباسارى رومان ۆاسيلەنكو رەسەيلىك ساياساتتانۋشى دميتري دروبنيتسكيدىڭ قازاقستان تۋرالى رەزونانستىق مالىمدەمەسىنە جاۋاپ بەردى، دەپ حابارلايدى “ادىرنا” ۇلتتىق پورتالى.
«ارينە، مەن ەشقاشان ناتسيستىك پروتسەسكە تاپ بولعان ەمەسپىن، ول ءبىزدىڭ ەلىمىزدە جوق تا. مۇنداي مالىمدەمەلەرگە قاتىستى ايتارىم - مەملەكەت باسشىسى دا، ءسىم باسشىلىعى دا، وزگە باسشىلار دا بۇعان دەيىن ءتۇرلى مالىمدەمە ەستىدى. بىرىنشىدەن، ءبىز بۇل رەسەي فەدەراتسياسىنىڭ رەسمي ۇستانىمى دەپ سانامايمىز. ەكىنشىدەن، قازاقستان مەن رەسەي اراسىنداعى ءداستۇرلى تىعىز قارىم-قاتىناستارعا نۇقسان كەلتىرىلىپ وتىر. ۇشىنشىدەن، فەدەرالدى ارنالاردىڭ بىرىندە وسىنداي پوزيتسيالاردى جاريالانعاندىقتان رەسەي فەدەراتسياسىنىڭ بيلىگى ءتيىستى رەاكتسيا كورسەتۋى كەرەك»،- دەدى ۆاسيلەنكو.
