مەملەكەتتىك ءتىلدىڭ سالماعىن ارتتىرىپ، بەدەلىن كوتەرۋ ءۇشىن ەلىمىزدەگى بارلىق مەكتەپتەردە، جوعارى وقۋ ورىندارىندا وقىتىلاتىن قازاق ءتىلى ءپانىن مەملەكەتتىك ءتىل ساباعى دەپ اتاۋ كەرەك.
ەلىمىزدىڭ ەڭ باستى ۇيىستىرۋشى كۇشى، ەلدىگىمىزدىڭ ەڭ باستى انىقتاۋىشى - مەملەكەتتىك ءتىل ەكەنى قازاقستاندا ءومىر سۇرەتىن بارلىق ۇلت وكىلدەرىنىڭ ساناسىنا بالا كەزدەن، مەكتەپ قابىرعاسىنان باستاپ ءسىڭىرىلۋى كەرەك.
ول ءۇردىس جوعارى وقۋ ورىندارىندا جالعاسىن تابۋعا ءتيىس.
مەملەكەتتىك ءتىل ساباعىنا قاتىسپاۋ، بۇل پاننەن ناشار باعا الۋ - مەملەكەتكە قۇرمەتسىزدىك بولاتىنى قوعامدىق سانادا بەكىتىلۋى كەرەك.
مەملەكەتتىك ءتىل مەملەكەتتىك رامىزدەردىڭ قاتارىنا قوسىلىپ، زاڭمەن قورعالۋى كەرەك.
بۇل شارالار ەلىمىزدەگى مەملەكەتتىك ءتىلدىڭ شوقتىعىن بيىكتەتىپ، دارەجەسىن ايقىندايدى.
مەملەكەت پەن مەملەكەتتىك ءتىل - ەگىز ۇعىم.
مەملەكەتتىك ءتىل جوق جەردە مەملەكەت جوق!
