ريددەردەگى ءتىل داۋى جايلى
بايقاعانىم: سولتۇستىك وڭىرلەردە ءتىل داۋى جيىلەي باستاپتى. بۇنى ازاماتتىق سانانىڭ ويانۋى، قۇقىقتىق ساۋاتتىڭ ارتۋىمەن بايلانىستىرۋعا بولاتىن شىعار.
دەگەنمەن، ۆيدەوداعى امانات پارتياسىنىڭ وكىلى دۇرىس ايتىپ تۇر. بىزدە مەملەكەت قىزمەتكەرىنە، شەنەۋنىكتەرگە مەملەكەتتىك ءتىلدى ءبىلۋ مىندەتتى تالاپ ەمەس. ياعني، مەملەكەتتىك ءتىلدى بىلمەي كەز كەلگەن مەملەكەتتىك قىزمەتتى، ءتىپتى باسشىلىق قىزمەتتى دە اتقارا بەرۋگە بولادى. سوندىقتان ۆيدەوداعى ادامعا ارتىق ەشتەڭە دەي المايسىز.
بار تالاپتى ورتالىق بيلىككە باعىتتاۋ كەرەك. مەملەكەتتىك ءتىل تۋرالى زاڭ قابىلداپ، مەملەكەتتىك ءتىلدى ءبىلۋى مىندەتتى قىزمەتتەر ءتىزىمىن جاسامايىنشا، بۇل اربانىڭ دوڭگەلەگى قيسايىپ تۇرا بەرەدى.
